Gúlnara Ibragimova

Tuwılǵan sánesi	13-sentyabr 1962(1962-09-13) (62 jasta)
Ómirlik joldası	Saǵınbay Ibragimov
Perzentleri	Inamjan (ulı) Ziyba (qızı) Elenora(qızı)

Gúlnara Ibragimova — shayır, jazıwshı, dilmash.

G.Ibragimova 1962-jılı 13-sentyabrde dúnyaǵa kelgen. Shayır Saǵınbay Ibragimovtıń ómirlik joldası. 2020-jıldan Qaraqalpaqstan Jazıwshılar awqamı aǵzası.

Shańaraǵı tuwralı

1978-jılı,  men  9-klass oqıwshısıman, Alpısbay  aǵa  krujoktıń  bir  sabaǵına   "Ámiwdárya"  jurnalın   alıp  keldi.

"Moskvada  M.Gorkiy  atındaǵı  Ádebiyat  institutı  bar. Sol  jerde  usı  kúnde  qaraqalpaqtan  Saǵınbay Ibragimov  degen jigit  oqıydı. Ol  jigittiń  ózi  de,  qosıqları  da  basqalarǵa  usamaydı. Sonday  talantlı  jigit"  -  dep  bizge  Saǵınnıń  jurnalda  shıqqan  qosıqların  oqıp  berdi. Sol  jerde  mına  súwret  bar  edi. Qosıǵınan  beter,  suwretine  úńile  berippiz... Ol  waqları:

"Álippeden  basladım  náyilaj, qızdı  qásterlewdiń  sabaǵın"  -  dep Saǵın  túsinikli  qosıqlar  jazatuǵın  edi.

Sonnan,  mektep  pitkeriwden,  Moskvaǵa, Ádebiyat  institutına  jol  alǵanman...

Alpısbay  aǵanıń  bir  yubileyinde  úyinde  qonaq  bolıp  otırǵanımda:

"Bizlerdiń  xojalıq  bolıp ketiwimizge,  Saǵın  ekewmizdiń  tanısıwımızǵa  ustaz  sebepshi"  -  dep  tost  ayttım.

Sonda, saxna kórgen, aktrisa,  qosıqshı   Bazargúl: "Onda biziń Alpısbay jeńgeńiz  bolıptı ǵo" - dep  jımıydı...

Sonnan beri, mına tariyxıy súwret  júregime jaqın súwret!

Dóretiwshiligi

G. Ibragimova óz dóretiwshiligi tuwralı mınalardı aytadı:

Mektepte oqıp júrgen kúnlerimde kewlime túygenlerim qaǵazǵa túsip baspa sózde tuńgısh márte jarıq kóriwinde belgili Qaraqalpaqstan xalıq jazıwshıları Alpısbay Sultanov penen Keńesbay Allambergenovtın ádebiy dógeregine qatnasıp alǵan sabaqlarım maǵan qutlı qádem boldı.  «Men awıl balasıman» atlı kólemli miynetim  «Jetkinshek» gazetasında jarıq kórdi…

Kitapları

• «Muxabbat qosıǵı» (gúrrińler) (1993)
• «Jaqsılıq et – dáryaǵa tasla» (qosıqlar hám poemalar) (2018)
• «Men awıl balasıman» (povest) (2019)
• «Labirint» (gúrrińler) (2020)
• «Haywanlar qaysı tilde sóylesedi?» (gúrrińler) (2021)
• «Úyin izlep júrgen shóje» (ertekler hám gúrrińler) (2022)
• «Muhabbat qosıǵı» (2022)

Awdarmaları

• Antuan de Sent-Ekzyuperi. «Kishkene shaxzada» (kirill) (2020)
• Antuan de Sent-Ekzyuperi. «Kishkene shaxzada» (latın) (2020)
• Chex xalıq ertekleri «Aqıl hám Baxıt» (2021)
• Lev Tolstoy «Úsh ayıw» (2022)

Áhmiyetli maqala

Saǵınbay Ibragimov

Derekler

• Gúlnara Ibragimovanıń jeke Facebook beti;
• Gúlnara Ibragimovanıń jeke Telegram kanalı.