Saǵınbay Ibragimov
|
| Saǵınbay Ibragimov | |
|---|---|
| Atı | Saǵınbay Ibragimov |
| Milleti | Qaraqalpaq |
| Sıylıqları | «Jıldıń eń jaqsı shıǵarması» tańlawı jeńimpazı |
| Websayt | http://katharsis.su |
| [[Fayl:|280px|súwret]] | |
| Tuwılǵan sánesi | 1956[1] |
|---|---|
Saǵınbay Ibragimov – shayır hám jazıwshı, esseist, «Jıldıń eń jaqsı shıǵarması» tańlawı jeńimpazı.
Ómiri[redaktorlaw | derekti jańalaw]
1982-jılı M.Gorkiy atındaǵı Ádebiyat institutın tamamlaǵan.
Dóretiwshiligi[redaktorlaw | derekti jańalaw]
Saǵınbay Ibragimov - qaraqalpaq lirikasında hám mazmunlıq, hám formalıq jaqtan jańalıqlar jaratqan, óz stilin qáliplestirip, oqıwshını oylandırıwǵa, pikirlewge májbúrley alǵan shayır. Dóretiwshilikke kirip kelgen qırq jılǵa jaqın waqıt ishinde barı-joǵı tórt dana kitabın «Dalalar» (1982), «Besinshi máwsim» (1986), «Jer menen aspannıń aralıǵında» (1990) hám «Tańlamalı qosıqlar» (2016) járiyalaǵan shayır 2021-jıldıń ózinde tórt jańa shıǵarmalar toplamın basıp shıǵardı. Sonıń ushın da bul jıldı shayır dóretiwshiligindegi eń nátiyjeli jıl boldı dep ataw múmkin.
2020-jıl alıs Chexiyadaǵı perzentin kóriwge barǵan dóretiwshi juplıq – Saǵınbay Ibragimov hám Gúlnara Ibragimovalar bir jıl dawamında karantinde, óz tuwǵan elinen alısta qalıp qoydı. Biraq, Brno qalasında (CHexiya) ótken waqıt shayırdıń júregindegi sezimlerin qaǵazǵa túsiriwge imkan jaratıp berdi hám usı qalada «Brno dápteri» hám «Brno sáwbetleri» kitapları dúnyaǵa keldi. Bul kitaplardıń birinde shayırdıń qosıqları berilgen bolsa, ekinshisinde ádebiyat, dóretiwshilik haqqındaǵı oyları zayıbı, belgili jazıwshı hám awdarmashı Gúlnara Ibragimova menen sáwbeti tiykarında berilgen.
Qaraqalpaq xalqınıń tariyxına baylanıslı jazılǵan «Berdaqtıń «Shejire» dástanı hám qaraqalpaqlar tariyxı» etnotariyxıy essesi shayırdı tariyxshı sıpatında xalıqqa tanıstırdı. Qaraqalpaqstan xalıq shayırı, belgili awdarmashı Rustam Musurman tárepinen S.Ibragimovtıń qosıqları ózbek tiline awdarılıp, «Yo'l o'rtasi» ataması menen ózbek tilinde járiyalandı.
Kitapları[redaktorlaw | derekti jańalaw]
- «Dalalar» (1982)
- «Besinshi máwsim» (1986)
- «Jer menen aspannıń aralıǵında» (1990)
- «Tańlamalı qosıqlar» (2016)
- «Brno dápteri» (2021)
- «Berdaqtıń "Shejire" dástanı hám qaraqalpaq tariyxı. Etnografiyalıq esse» (2021)
- «Brno sáwbetleri» (2021)
- «Mádeniyat hám ilim darǵaları menen sáwbetler» (2022)
- «Moy karakalpakskiy narod» (rus tilinde) (2022)
- «Sentyabrdiń sońǵı kúnleri» (2022)
- «Yoʻl oʻrtasi» (ózbek tilinde) (2021)
Awdarmaları[redaktorlaw | derekti jańalaw]
- Maqtumqulı (2023)
- Muslihaddin Saadiy Shiraziy «Gúlistan» (2022)
- Áliysher Nawayı «Ǵázzeller. Rubailar. Tuyıqlar» (D. Aytmuratov penen birgelikte) (2020)
- Saadiy «Gúlistan» (1994)
- Abay «Qarasózler: Abay shıǵarmalarınıń bir tomlıǵı» (1990)
Jetiskenlikleri[redaktorlaw | derekti jańalaw]
Ózbekstan Jazıwshılar awqamı, Ózbekstan Respublikası Ilimler Akademiyası, Ózbekstan Respublikası Mádeniyat ministrligi, Respublikalıq Ruwxıy-aǵartıwshılıq orayı hám Ózbekstan dóretiwshilerin qollap-quwatlawshı «Ilham» jámiyetlik qorı menen birgelikte ótkerilgen «Jıldıń eń jaqsı shıǵarması» tańlawı jeńimpazı boldı. «Jıldıń eń jaqsı shıǵarması» tańlawında Saǵınbay Ibragimov «Brno dápteri» qosıqlar toplamı hám «Berdaqtıń «Shejire» dástanı hám qaraqalpaqlar tariyxı» kitabı ushın xoshametlewshi sıylıqqa múnásip dep tabıldı.