Saǵınbay Ibragimov
| Tuwılǵan sánesi | 1-sentyabr 1956-jılı (68 jasta) |
|---|---|
| Tuwılǵan jeri | Qońırat rayonı |
| Milleti | Qaraqalpaq |
| Oqıǵan jeri | M. Gorkiy atındaǵı ádebiyat institutı |
| Birinshi kitabı | «Dalalar» (1982) |
| Ómirlik joldasları | Gúlnara Ibragimova |
| Perzentleri | Inamjan (ulı)[1] Ziyba (qızı) Elenora(qızı) |
| Sayt | http://katharsis.su |
Saǵınbay Ibragimov – shayır hám jazıwshı, esseist, «Jıldıń eń jaqsı shıǵarması» tańlawı jeńimpazı.
1965-jılı 1-sentyabrde Qońırat rayonında tuwıladı[2][3].
Ómiri
[redaktorlaw | derekti redaktorlaw]1982-jılı M.Gorkiy atındaǵı Ádebiyat institutın tamamlaǵan[4].
Dóretiwshiligi
[redaktorlaw | derekti redaktorlaw]Saǵınbay Ibragimov - qaraqalpaq lirikasında hám mazmunlıq, hám formalıq jaqtan jańalıqlar jaratqan, óz stilin qáliplestirip, oqıwshını oylandırıwǵa, pikirlewge májbúrley alǵan shayır. Dóretiwshilikke kirip kelgen qırq jılǵa jaqın waqıt ishinde barı-joǵı tórt dana kitabın «Dalalar» (1982), «Besinshi máwsim» (1986), «Jer menen aspannıń aralıǵında» (1990) hám «Tańlamalı qosıqlar» (2016) járiyalaǵan shayır 2021-jıldıń ózinde tórt jańa shıǵarmalar toplamın basıp shıǵardı. Sonıń ushın da bul jıldı shayır dóretiwshiligindegi eń nátiyjeli jıl boldı dep ataw múmkin.
1988-jıldan Qaraqalpaqstan hám Ózbekstan Jazıwshılar awqamı aǵzası[5].
2020-jıl alıs Chexiyadaǵı perzentin kóriwge barǵan dóretiwshi juplıq – Saǵınbay Ibragimov hám Gúlnara Ibragimovalar bir jıl dawamında karantinde, óz tuwǵan elinen alısta qalıp qoydı. Biraq, Brno qalasında (CHexiya) ótken waqıt shayırdıń júregindegi sezimlerin qaǵazǵa túsiriwge imkan jaratıp berdi hám usı qalada «Brno dápteri» hám «Brno sáwbetleri» kitapları dúnyaǵa keldi. Bul kitaplardıń birinde shayırdıń qosıqları berilgen bolsa, ekinshisinde ádebiyat, dóretiwshilik haqqındaǵı oyları zayıbı, belgili jazıwshı hám awdarmashı Gúlnara Ibragimova menen sáwbeti tiykarında berilgen.
Qaraqalpaq xalqınıń tariyxına baylanıslı jazılǵan «Berdaqtıń «Shejire» dástanı hám qaraqalpaqlar tariyxı» etnotariyxıy essesi shayırdı tariyxshı sıpatında xalıqqa tanıstırdı. Qaraqalpaqstan xalıq shayırı, belgili awdarmashı Rustam Musurman tárepinen S.Ibragimovtıń qosıqları ózbek tiline awdarılıp, «Yo'l o'rtasi» ataması menen ózbek tilinde járiyalandı.
Kitapları
[redaktorlaw | derekti redaktorlaw]- «Dalalar» (1982)
- «Besinshi máwsim» (1986)
- «Jer menen aspannıń aralıǵında» (1990)
- «Tańlamalı qosıqlar» (2016)
- «Brno dápteri» (2021)
- «Berdaqtıń "Shejire" dástanı hám qaraqalpaq tariyxı. Etnografiyalıq esse» (2021)
- «Brno sáwbetleri» (2021)
- «Mádeniyat hám ilim darǵaları menen sáwbetler» (2022)
- «Moy karakalpakskiy narod»[6] (rus tilinde) (2022)
- «Sentyabrdiń sońǵı kúnleri» (2022)
- «Yoʻl oʻrtasi» (ózbek tilinde) (2021)
Awdarmaları
[redaktorlaw | derekti redaktorlaw]- Maqtumqulı (2023)
- Muslihaddin Saadiy Shiraziy «Gúlistan» (2022)
- Áliysher Nawayı «Ǵázzeller. Rubailar. Tuyıqlar» (D. Aytmuratov penen birgelikte) (2020)
- Saadiy «Gúlistan» (1994)
- Abay «Qarasózler: Abay shıǵarmalarınıń bir tomlıǵı» (1990)
Jetiskenlikleri
[redaktorlaw | derekti redaktorlaw]Ózbekstan Jazıwshılar awqamı, Ózbekstan Respublikası Ilimler Akademiyası, Ózbekstan Respublikası Mádeniyat ministrligi, Respublikalıq Ruwxıy-aǵartıwshılıq orayı hám Ózbekstan dóretiwshilerin qollap-quwatlawshı «Ilham» jámiyetlik qorı menen birgelikte ótkerilgen «Jıldıń eń jaqsı shıǵarması» tańlawı jeńimpazı boldı. «Jıldıń eń jaqsı shıǵarması» tańlawında Saǵınbay Ibragimov «Brno dápteri» qosıqlar toplamı hám «Berdaqtıń «Shejire» dástanı hám qaraqalpaqlar tariyxı» kitabı ushın xoshametlewshi sıylıqqa múnásip dep tabıldı[7].
Derekler
[redaktorlaw | derekti redaktorlaw]- ↑ „livingasia.online - Маски от келинки = 25-mart 2020“. 1-sentyabr 2024da túp nusqadan arxivlendi.
- ↑ „kp74.ru - Современные поэты Средней Азии = 18-yanvar 2019“. 1-sentyabr 2024da túp nusqadan arxivlendi.
- ↑ „anadilturkce.org - Saginbay İbragimov =“. 1-sentyabr 2024da túp nusqadan arxivlendi.
- ↑ „mv74.ru - Челябинск-Узбекситан = 15-iyul 2019“. 1-sentyabr 2024da túp nusqadan arxivlendi.
- ↑ „awardslondon.com - Сагынбай Ибрагимов =“. 1-sentyabr 2024da túp nusqadan arxivlendi.
- ↑ „kknews.uz - «Мой каракалпакский народ»: Сағынбай Ибрагимовтың қарақалпақлар тарийхы ҳаққында рус тилиндеги китабы баспадан шықты = 1-fevral 2022“. 1-sentyabr 2024da túp nusqadan arxivlendi.
- ↑ „kknews.uz - Сағынбай Ибрагимов – «Жылдың ең жақсы шығармасы» таңлаўы жеңимпазы = 30-dekabr 2021“. 1-sentyabr 2024da túp nusqadan arxivlendi.
 | Bul shala maqala haqqında ulıwma úlgi bolıp, ilajı bolsa ol jáne de anıqlaw úlgige almastırılıwı kerek. |