IPhone 15
iPhone 15 hám iPhone 15 Plus - Apple Inc. tárepinen jaratılǵan hám bazarǵa shıǵarılǵan smartfonlar. Olar iPhone 14 hám iPhone 14 Plus modelleriniń ornın basqan on jetinshi áwlad iPhone smartfonları bolıp tabıladı. Qurılmalar 2023-jıl 12-sentyabrde Kaliforniyanıń Kupertino qalasındaǵı Apple Park kompleksinde ótkerilgen Apple Event waqtında qımbatıraq iPhone 15 Pro hám 15 Pro Max modelleri menen birge járiyalandı. Aldınnan buyırtpa beriw 2023-jıl 15-sentyabrden baslandı, al qurılmalar 2023-jıl 22-sentyabrden satıwǵa shıǵarıldı. iPhone 15 Pro hám Pro Max modelleri sıyaqlı, 15 hám 15 Plus modelleri Evropa Awqamı talaplarına sáykes keliw ushın menshik Lightning portın USB-C portına almastırǵan birinshi iPhone modelleri boldı.
Tariyxı
2021-jıl sentyabrde Evropa Komissiyası Evropa Awqamındaǵı barlıq qurılmalarda, sonıń ishinde iPhone telefonlarında da USB-C portın májbúriy qollanıwdı talap etiw boyınsha usınıstı qarap shıǵa basladı.[1] Apple analitigi Ming-Chi Kuo Apple kompaniyasınıń 2023-jılı óz menshik Lightning portınan bas tartajaǵın ayttı. Bul pikirler aytılǵan waqıtta Apple Evropa Awqamı usınısınıń qabıl etiliw itimallıǵına baylanıslı USB-C portına ótiw máselesin qarap atırǵan edi.[2] Usınıs 2022-jıl oktyabrde nızamǵa kiritilip, Radio Equipment Directive dep ataldı. Apple sol aydıń aqırında bul qaǵıydalardı orınlawǵa keliskenin tastıyıqladı.[3]
iPhone 15 modeliniń rásmiy túrde járiyalanıwınan eki hápte aldın, birinshi ret Hindstanda islep shıǵarılǵan ayırım qurılmalardıń dúnya júzi boyınsha satıw baslanǵan kúni-aq satıwǵa shıǵarılatuǵını haqqında xabarlandı.[4]
Dizayn
iPhone 15 iPhone 12-den berli birinshi úlken qayta dizaynlanǵan model bolıp, dóńgeleklengen qırları, azǵana iymeygen displeyi hám artqı áynegi menen ajıralıp turadı. Eki model de bes túrde satıwǵa shıǵarılǵan: kók, qızǵılt, sarı, jasıl hám qara. Bul iPhone XR-den beri birinshi ret baslawshı dárejedegi iPhone modeliniń satıwǵa shıqqan waqtında Product Red variantısız shıǵarılıwı boldı.
| Color | Name |
|---|---|
| Kók | |
| Qızǵılt | |
| Sarı | |
| Jasıl | |
| Qara |
Displey
iPhone 15 modeli 2556×1179 piksel tınıqlıqtaǵı hám sekundına 60 Hz jańalanıw jiyiligi menen 460 PPI piksel tıǵızlıǵına iye 6.1-dyuym (155 mm) Super Retina XDR OLED displeyge iye. iPhone 15 Plus modeli tap sol texnologiyanı qollanǵan 2796×1290 piksel tınıqlıq hám shama menen 460 PPI piksel tıǵızlıǵına iye 6.7-dyuym (170 mm) displeyge iye. Eki model de 1,000 nitke shekem tábiyiy jaqtılıq, 1,600 nitke shekem HDR jaqtılıǵı hám 2,000 nitke shekem sırtqı ortalıqtaǵı maksimal jaqtılıq kórsetkishlerine iye. Aldın iPhone 14 Pro modelinde ǵana qollanılǵan Dynamic Island funkciyası endi iPhone 15 modelinde standart bolıp, iPhone X modelinde birinshi ret qollanılǵan oyıqtıń ornın basadı.[5]
-
6.1-dyuymlıq displeyge iye iPhone 15 -
6.7-dyuymlıq displeyge iye iPhone 15 Plus
Zaryadlaw hám tasıw (transfer) tezlikleri
iPhone 15 hám iPhone 15 Plus USB 2.0 transfer tezligindegi (480 Mb/s yamasa 60 MB/s shekem) USB-C den paydalanadı,[6] al iPhone 15 Pro hám iPhone 15 Pro Max bolsa tezirek USB 3.2 Gen 2 transfer tezligine (10 Gb/s yamasa 1.25 GB/s shekem) iye. iPhone 15 hám iPhone 15 Plus, sonday-aq iPhone 15 Pro hám iPhone 15 Pro Max - USB-C den paydalanatuǵın birinshi iPhone modelleri, sonday-aq iPhone 5 ten keyin jańa zaryadlaw portına ótken birinshi iPhone modelleri bolıp esaplanadı.
Video shıǵısı
Barlıq iPhone 15 modelleri HDR menen 4K tınıqlıǵına shekem DisplayPort Alternate Mode arqalı USB-C video shıǵıwın qollap-quwatlaydı.
Aldıńǵı iPhone modelleri (iPhone 5 ten iPhone 14 ke shekem) Lightning baylanısınıń texnikalıq sheklewleri sebepli Lightning Digital AV Adapter járdeminde maksimal 1600 x 900 ólshemge (1080p den azıraq) iye bolǵan.[7]
Batareya
iPhone 15 Plus paydalanıwshılarǵa 26 saatqa shekem video kóriw hám 100 saatqa shekem audio tıńlaw imkaniyatın beredi, al iPhone 15 bolsa ádewir azıraq - 20 saatqa shekem video kóriw hám 80 saatqa shekem audio tıńlaw múmkinshiligin beredi.[8]
iPhone 15 hám iPhone 15 Plus iOS 17 menen shıǵarıldı hám iOS 18 benen úylesimli.[9][10][11] UK Product Security and Telecommunications Infrastructure qaǵıydalarına sáykes, ol keminde bes jıl dawamında, yaǵnıy 2028-jılǵa shekem tiykarǵı programmalıq jańalanıwlardı alıp turadı.[12]
Sın
Qızıp ketiw
Ayırım iyeleriniń aytıwınsha, olardıń iPhone 15 telefonları qızıp ketiw máselelerin basınan keshirmekte,[13] temperatura 47 °C (117 °F) qa shekem kóterilgeni haqqında xabarlar bar.[14] Apple keyin telefonlardıń qızıp ketiwiniń bir neshe sebepleri bar ekenin, tiykarınan programmalıq támiynat máselesine qarata bildirdi.[15] Bul máseleniń iOS 17.0.3 jańalanıwı menen dúzetiletuǵını aytıldı.[4] Biraq jańalanıwdan keyin de qızıp ketiw máseleleri dawam etip atırǵanı haqqında xabarlar bar.[16]
Derekler
- ↑ Porter. „EU proposes mandatory USB-C on all devices, including iPhones“. The Verge (23-sentyabr 2021-jıl). 7-noyabr 2021-jılda túp nusqadan arxivlendi. Qaraldı: 11-sentyabr 2023-jıl.
- ↑ Vincent. „Apple will drop iPhone Lightning port in favor of USB-C in 2023, claims analyst“. The Verge (11-may 2022-jıl). 11-sentyabr 2023-jılda túp nusqadan arxivlendi. Qaraldı: 11-sentyabr 2023-jıl.
- ↑ Clark. „Apple confirms the iPhone is getting USB-C“. The Verge (26-oktyabr 2022-jıl). 12-sentyabr 2023-jılda túp nusqadan arxivlendi. Qaraldı: 11-sentyabr 2023-jıl.
- ↑ Weatherbed, Jess (September 12, 2023). "Apple's India-made iPhones to be available at launch for the first time". The Verge. https://www.theverge.com/2023/9/12/23869727/apple-iphone-15-india-production-supply-launch-china.
- ↑ Perry. „Apple adds the Dynamic Island to every iPhone 15“ (en). Mashable (12-sentyabr 2023-jıl). 12-sentyabr 2023-jılda túp nusqadan arxivlendi. Qaraldı: 13-sentyabr 2023-jıl.
- ↑ Warren. „Apple announces iPhone 15 with USB-C, a camera upgrade, and the Dynamic Island“. The Verge (12-sentyabr 2023-jıl). 15-sentyabr 2023-jılda túp nusqadan arxivlendi. Qaraldı: 12-sentyabr 2023-jıl.
- ↑ „The Lightning Digital AV Adapter Surprise“. Panic Blog (1-mart 2013-jıl). 22-yanvar 2021-jılda túp nusqadan arxivlendi. Qaraldı: 13-sentyabr 2023-jıl.
- ↑ Potuck. „iPhone 15 battery specs: Official ratings“ (en-US). 9to5Mac (12-sentyabr 2023-jıl). 13-sentyabr 2023-jılda túp nusqadan arxivlendi. Qaraldı: 12-sentyabr 2023-jıl.
- ↑ Porter. „Get ready for a repositioned end call button in iOS 17“. The Verge (10-avgust 2023-jıl). 6-sentyabr 2023-jılda túp nusqadan arxivlendi. Qaraldı: 11-sentyabr 2023-jıl.
- ↑ Warren. „Apple announces iPhone 15 with USB-C, a camera upgrade, and the Dynamic Island“ (en-US). The Verge (12-sentyabr 2023-jıl). 15-sentyabr 2023-jılda túp nusqadan arxivlendi. Qaraldı: 13-sentyabr 2023-jıl.
- ↑ „iOS 18 Preview“ (en-US). Apple. Qaraldı: 10-iyun 2024-jıl.
- ↑ Apple Inc. „A3106 Connectable Devices Statement of Compliance“. Apple Regulatory Info (29-aprel 2024-jıl). 10-iyun 2024-jılda túp nusqadan arxivlendi. Qaraldı: 11-iyun 2024-jıl.
- ↑ Phelan. „Apple iPhone 15 Pro Overheating Reports: Insider Addresses Issue“. Forbes (28-sentyabr 2023-jıl). 28-sentyabr 2023-jılda túp nusqadan arxivlendi. Qaraldı: 28-sentyabr 2023-jıl.
- ↑ Cuthbertson. „iPhone 15 overheating issue makes it 'too hot to touch', owners say“. The Independent (27-sentyabr 2023-jıl). 27-sentyabr 2023-jılda túp nusqadan arxivlendi. Qaraldı: 28-sentyabr 2023-jıl.
- ↑ Kelly. „Apple confirms that a bug and some apps are causing iPhone 15 models to overheat“. CNN (2-oktyabr 2023-jıl). 6-oktyabr 2023-jılda túp nusqadan arxivlendi. Qaraldı: 3-oktyabr 2023-jıl.
- ↑ Hiner. „New iPhone 15 Pro overheating reports: Still too hot after iOS 17.0.3 and fresh issues arise after the update“ (en). zdnet (11-oktyabr 2023-jıl). 15-oktyabr 2023-jılda túp nusqadan arxivlendi. Qaraldı: 11-oktyabr 2023-jıl.