Kalimantan
Kalimantan (indon. Kalimantan) yamasa Barneo (malay. Barneo) — dúnyadaǵı úshinshi iri ataw. Kalimantan úsh mámleket ortasında bólingen birden-bir teńiz atawı: Bular Indoneziya, Malayziya hám Bruney mámleketleri. Jer maydanı 743,330 km². Ataw Qubla-Shıǵıs Aziyadaǵı Malay arxipelagınıń orayında jaylasqan.
Ataw evropalılar ushın 1521-jılda Magellan ekspediciyası teńizshileri tárepinen ashılǵan.
Etimologiya
[redaktorlaw | derekti redaktorlaw]Ataw kóplegen atamalar menen belgili. Inglis tilinde ol Barneo atı menen belgili. Bul sóz Bruney qalası atınan kelip shıqqan.
Indoneziya xalqı atawdı "Kalimantan" dep ataydı. Bul sózdiń kelip shıǵıwınıń bir neshe versiyaları bar. Olardan biri boyınsha, ol sanskritsha "Kalamanthana" sózinen kelip shıqqan bolıp, "jandırıwshı hawa-rayı atawı" degen mánisti ańlatadı (atawdaǵı ıssı hám ızǵar tropik hawa-rayı sebepli). Eń keń tarqalǵan versiyaǵa bola, "Kalimantan" sózi jergilikli Klementan qáwimi atınan kelip shıǵadı. Terminniń basqa awdarmaları da bar: "mangolı jer" hám "almazlı dárya".