Nurlan Pirjanov
Nurlan Baxtiyarovich Pirjanov (1996-jıl 6-oktyabr, Xojeli rayonı, Qaraqalpaqstan Respublikası — 2024-jıl 26-iyun, Qaraqalpaqstan Respublikası) — qaraqalpaq internet pidayısı, qaraqalpaqsha Wikipedianıń burınǵı administratorı. Qaraqalpaqsha Wikipediada PirjanovNurlan atı astında iskerlik alıp barǵan.
Ómiri[redaktorlaw | derekti redaktorlaw]
Nurlan Pirjanov 1996-jılı 6-oktyabrde Qaraqalpaqstannıń Xojeli rayonında tuwılǵan. 2023-jılda Qaraqalpaq mámleketlik universitetinde algoritmlestiriw hám baǵdarlamalastırıw texnologiyaları kafedrasında stajyor oqıtıwshı sıpatında jumıs islep baslaǵan[1][2].
Iskerligi[redaktorlaw | derekti redaktorlaw]
2023-jıldan "Detection.uz" saytınıń qaraqalpaq tilindegi versiyasın jaratıp baslaǵan[3].
Wikipediadaǵı iskerligi[redaktorlaw | derekti redaktorlaw]
Nurlan Pirjanov 2022-jıl 2-avgustta qaraqalpaqsha Wikipediada dizimnen ótken bolıp, eski imláda qalıp qoyǵan joybardı qaytadan háreketke keltirdi[2]. Wikipedianıń nızam-qaǵıydaların jaqsı bilgenligi hám qısqa waqıt ishinde sapalı maqalalar jaratqanlıǵı ushın qaraqalpaqsha Wikipedia paydalanıwshıları bergen dawısları tiykarında 2022-jıl 6-sentyabrde qaraqalpaqsha Wikipedia administratorı huqıqın aldı.
Ólimi[redaktorlaw | derekti redaktorlaw]
2024-jıl 26-iyun kúni Nurlan Pirjanov suwǵa ketip qalıw aqıbetinde dúnyadan ótti.
Derekler[redaktorlaw | derekti redaktorlaw]
- ↑ „Nurlan Pirjanov ólimi haqqında daǵaza“. karsu.uz (27-iyun 2024-jıl). Qaraldı: 27-iyun 2024-jıl.
- ↑ 2,0 2,1 „Qaraqalpaqsha Wikipedia joybarınıń burınǵı administratorı qaytıs boldı“. Qaraqalpaqsha Wikipedia rásmiy telegram kanalı (27-iyun 2024-jıl).
- ↑ „Detection.uz saytınıń qaraqalpaq tilindegi kamandası“. detection.uz (23-iyul 2023-jıl).