Parij universiteti

Parij universiteti

Parij universiteti, Sor! bonna — Franciyadaǵı iri oqıw hám ilimiy oraylardan biri. 1150-jılı tiykar salınǵan. 1215-jıl shirkew mektep negizinde ju'zege kelip, Evropada birinshi dúnyalıq universitet esaplanǵan. Da'slep kórkem-óner, huqıq, teologiya, medicina fakultetleri bolǵan. 1257-jılda Parijdıń Latin kvartalinda Sorbonna dep atalǵan kolledj islengen (tiykarshisi — R.De Sorbon atı menen baylanıslı). XVII a'sirde Sorbonna kolledji menen Parij universiteti qosılıp, olardıń hár eki atı aniq qollanila basladı. Parij universiteti orta ásirlerde ha'm XVII asirge shekem Evropada teologiya hám yurisprudensiya salasında iri oqıw jurtı hám ilimiy oray esaplanǵan. 1793-jıl Konvent sheshimine muwapıq universitet jabiladi hám 1806-jılda qayta tiklenedi. A.Lavuazye, L.Paster, P.Kyuri, J.B.Perren, P.Lanjeven sıyaqlı ataqlı ilimpazlar iskerligi Parij universiteti menen baylanıslı. 1970-jıllarda Parij universiteti qayta du'zilip, 13 ǵárezsiz universitet sho'lkemlestiredi. Universitet huqıq hám ekonomika pánleri, tábiyiy pánler, ádebiyat jáne socialliq pánler, medicina, farmokologiya boyınsha qániygeler tayarlaydı. Universitette bir qansha ilimiy izertlew institutları, oraylar, joqarı mektepler, kitapxanalar da bar. Universitette 250 mińnen aslam student tálim aladı.