Qılıshniyazbay

Qılıshniyazbay — Qaraqalpaqstan Respublikası, Xorezm wálayatı, Túrkmenstannıń Tashawız wálayatı aymaǵınan ótetuǵın mámleketler aralıq kanal. Ámiwdáryadan suw aladı. Eki tarmaq Qılıshniyazbay hám Gúrlennen ibarat. Ulıwma uzınlıǵı tarmaqları menen birge 102 km. Bas óliminde suw ótkeriw imkaniyatı 120 m³/s. Kanal hám onıń shaxapshaları 1939—42-jıllarda shembilik jolı menen qurılǵan. Keyingi jıllarda bir neshe márte rekonstruksiya qılınǵan. 1965-jılda magistral kanaldıń jańa bas uchastkası qurıldı. 1969-jılda kepillikli suw alıw ushın uzınlıǵı 7 km, suw júzesi 120 m³/s bolǵan toyıntırıwshı kanal — Turangasaqa qazıldı. Qılıshniyazbay 70 mıń gektarǵa jaqın jer (sonnan 20,7 mıń ga Gúrlen rayonında, 16,7 mıń ga Qaraqalpaqstannıń Ámiwdárya rayonında, 26,2 mıń ga Tashawız wálayatında)di suwǵaradı.