Qaraqalpaqstan bayraģı
Qaraqalpaqstan Respublikasınıń mámleket bayraǵı(qaraqalpaqsha Qaraqalpaqstan Respublikasınıń mámleketlik bayraǵi / Қарақалпақстан Республикасының мәмлекетлик байрағи; ózbekshe Qoraqalpogʻiston Respublikasining davlat bayrogʻi / Қорақалпоғистон Республикасининг давлат байроғи) - Qaraqalpaqstan Respublikasınıń rásmiy ramzlerınen birı (gerb hám gimn menen bir qatarda)[1] . 1992-jıl 14-dekabrde "Qaraqalpaqstan Respublikasınıń mámleket bayraǵina tuwrısında" ģı nızam qabıl etilgeninde tastıyıqlanǵan. Bayraq ataqlı sovet, qaraqalpaq hám Ózbekstanlıq súwretshi - Jollıbay Izentaevnıń eskizı boyınsha islep shıǵılǵan[2].
Túsindiriw[redaktorlaw | derekti redaktorlaw]
Qaraqalpaqstan Respublikası mámleket bayraǵi kók, altın (yamasa sarı ) hám jasıl reńdegi ush gorizontal sızıqtan ibarat tuwrı múyeshli mata. Altın sızıq aq hám qızıl reńlerdiń shegaraları menen ajıratılǵan.
Bayraqtıń uzınlıǵı 250 sm, eni 125 sm. Kók hám jasıl sızıqlardıń keńligi bir-birine teń hám 42 sm. Bayraqtıń arasında jaylasqan altın reńli sızıqtıń keńligi 34 sm. Aq shegaralardıń keńligi 1 sm, qızıl sızıqlar bolsa 2,5 sm.
Joqarı kók sızıq aq yarım aydı (bayraq ústinine konveks tárepı) jáne onıń ońında bes qırlı aq juldızdı kórsetedi. Yarım ay diametri 22 hám 19 sm bolǵan eki sheńberdiń kesesiwi nátiyjesinde payda boladı, bul dóńgeleklerdiń orayları kók sızıqtı eki teń bólekke ajratatuǵın tuwrı sızıqta jatadı. Bul dóńgeleklerdiń orayları arasındaǵı aralıq 4 sm. bayraq oǵınan yarım ayǵasha bolǵan aralıq 20 sm. Juldızlar 30 sm den 15 sm ge shekem bolǵan tórtmuyushka sáykes keledi. bayraq oǵınan tórtmuyeshge shekem bolǵan aralıq 42 sm. Juldızlar tómendegishe eki qatarda jaylasqan: joqarı qatar ekinen, tómengi qatar ush juldızdan ibarat ; hár bir juldız yarım aynıń tómengi noqatı hám juldızlardıń tómengi qatarındaǵı nurlardıń tóbeleri joqarı aq sızıqtan 10 sm aralıqta jaylasqan gorizontal sızıqqa tegedi.
Qollanıw[redaktorlaw | derekti redaktorlaw]
Mámleket bayraǵı Joqarģı Keńes bınası, Qaraqalpaqstan Respublikası mámleket ımaratları tóbesine ornatılǵan. Sonıń menen birge, Qaraqalpaqstan Respublikası bayraǵı Ózbekstan ishindegi túrli jarıslarda, Qaraqalpaqstan sportshıları, jarıs bayraqdarlari úlken sıpaǵa kótergenler.
Bayraq reńleri hám elementleriniń mánisi[redaktorlaw | derekti redaktorlaw]
Bayraqtıń kók reńi suw hám báhárning ramzi esaplanadı. Sarı reń Qaraqalpaqstandıń úlken bólegi shólden ibarat ekenligin kórsetedi. Jasıl reń tábiyat, ruwxıylıq, isenim hám quyashdıń jańalaniwinıń belgisi bolıp tabıladı. Yarım ay musulmanlardıń múqaddes tımsalı bolıp tabıladı, bes juldız suwreti Qaraqalpaqstandıń eń áyyemgi bes qalası turmısı hám iseniminiń ramzi esaplanadı. Qaraqalpaqstan Respublikası mámleket bayraǵı Qaraqalpaqstan Respublikasın xalıq aralıq maydanda ańlatadı Qaraqalpaqstan Respublikası rásmiy delegaciyalarinıń shet el mámleketlerge, xalıq aralıq shólkemlerge, konferenciyalarǵa, jáhán kórgezbelerine, sport jarıslarına saparlarında.
Qaraqalpaqstan Respublikasınıń mámleket bayraǵı xalıqaralıq maydandaǵı basqa mámleketler bayraqlarına teń.
Qaraqalpaqstan Respublikası puqaraları, sonıń menen birge, bul jerde jasawshı basqa xalıq Qaraqalpaqstan Respublikasınıń mámleket bayraǵın húrmet etiwleri shárt.
Derekler[redaktorlaw | derekti redaktorlaw]
- ↑ „Конституция Республики Каракалпакстан — Статья 1“ (ru). Официальный сайт Жокаргы Кенеса Республики Каракалпакстан — parliamentrk.gov.uz. 1-noyabr 2018-jılda túp nusqadan arxivlendi. Qaraldı: 2-noyabr 2018-jıl.
- ↑ „Художники Каракалпакстана. Жизнь любил как настоящий художник“ (ru). erkinkarakalpak.uz. 22-dekabr 2018-jılda túp nusqadan arxivlendi. Qaraldı: 2-noyabr 2018-jıl.