Qudiyar Pirniyazov
| Qudiyar Pirniyazov | |
|---|---|
 | |
| Tuwılǵan sánesi | 1927 |
| Tuwılǵan jeri | Taza jol awıl keńesi, Shımbay rayonı |
| Qaytıs bolǵan sánesi | 3-iyul 2003 |
| Ilimiy tarawı | Filologiya, til bilimi, terminologiya |
| Jumıs orınları | Shımbay rayonı mektebinde muǵallim (1948-1949) Qaraózek rayonlıq xalıq bilimlendiriw bólimi (1952-1953) Qaraózek ÓzLKSM rayonlıq komiteti (1953-1955) Qaraózek rayonınıń Gagarin mektebi (1955-1959) QMPI NMU NMPI |
| Bilim alǵan jeri | Shımbay peduchilishesi (1948) Nókis mámleketlik muǵallimler institutı (1949-1951) |
| Belgili tezis(ler)i | «Qaraqalpaq tili lingvistikalıq terminologiyasınıń qáliplesiwi hám rawajlanıwı» (1981) |
Qudiyar Pirniyazov (1927-2003) — Shımbay rayonınıń Taza jol awıl keńesinde tuwıldı. 1948-jılı Shımbay peduchilishesin pitkerip, 1948-49-jıl oqıw jılında Shımbay rayonında muǵallim bolıp isledi. 1949-51-jılları Nókis mámleketlik muǵallimler institutında oqıp, onı pitkergennen keyin 1952-53-jılları Qaraózek rayonlıq xalıq bilimlendiriw bóliminde pedkobinet baslıǵı, 1953-55-jılları Qaraózek ÓzLKSM rayonlıq komitetiniń sekretatı boldı. 1955-59-jılları Qaraózek rayonınıń Gagarin mektebinde islep muǵallim, sońınan oqıw bóliminiń baslıǵı bolıp isledi, al 1959-64-jılları usı rayondaǵı №1 mektep-internatınıń oqıw bólimin basqardı. 1964-jılı QMPI jumısqa ótti. Onnan keyin NMU qaraqalpaq tili kafedrasında docent lawazımında isledi. Sońınan NMPI baslawısh klass metodikası kafedrasında da docent bolıp isledi.
Ilimpaz 2003 jılı 3-iyul kúni dúnyadan ótti.
Ilim jolı
[redaktorlaw | derekti redaktorlaw]1981-jılı 19-iyulde Qazaqstan IA til bilimi institutında «Qaraqalpaq tili lingvistikalıq terminologiyasınıń qáliplesiwi hám rawajlanıwı» degen temada kandidantlıq dissertaciyasın jaqladı. Q. Pirniyazov qaraqalpaq tili terminologiyası hám qaraqalpaq tilin oqıtıw metodikası menen shuǵıllandı.
Miynetleri
[redaktorlaw | derekti redaktorlaw]- Formirovanie i razvitie karakalpakskoy lingvisticheskoy terminologii (A., 1981);
- Qaraqalpaq tiliniń lingvistikalıq terminologiyası (N., 1987);
- Orta mekteplerde qaraqalpaq tilin oqıtıw metodikası (N., 1988 E. Berdimuratov penen birgelikte);
- Baslawısh klaslarda qaraqalpaq tilin oqıtıw metodikası (N., 1993).
Derekler
[redaktorlaw | derekti redaktorlaw]- Бекбергенов А., Пахратдинов Қ. Қарақалпақ тилин изертлеўшилер. Биобиблиографиялық очерклер. —Нөкис, «Қарақалпақстан», 2000. 52 бет, ISBN 5-8272-0196-0