Qudiyar Pirniyazov

Wikipedia, erkin enciklopediya
(Qudiyar Pirnazarov degennen baǵdarlanǵan)
[[Fayl:|280px|súwret]]
Tuwılǵan sánesi 1927
Qaytıs bolǵan sánesi 3-iyul 2003(2003-07-03)

Qudiyar Pirniyazov (1927-2003) Shımbay rayonınıń Taza jol awıl keńesinde tuwıldı. 1948-jılı Shımbay peduchilishesin pitkerip, 1948-49-jıl oqıw jılında Shımbay rayonında muǵallim bolıp isledi. 1949-51-jılları Nókis mámleketlik muǵallimler institutında oqıp, onı pitkergennen keyin 1952-53-jılları Qaraózek rayonlıq xalıq bilimlendiriw bóliminde pedkobinet baslıǵı, 1953-55-jılları Qaraózek ÓzLKSM rayonlıq komitetiniń sekretatı boldı. 1955-59-jılları Qaraózek rayonınıń Gagarin mektebinde islep muǵallim, sońınan oqıw bóliminiń baslıǵı bolıp isledi, al 1959-64-jılları usı rayondaǵı №1 mektep-internatınıń oqıw bólimin basqardı. 1964-jılı QMPI jumısqa ótti. Onnan keyin NMU qaraqalpaq tili kafedrasında docent lawazımında isledi. Sońınan NMPI baslawısh klass metodikası kafedrasında da docent bolıp isledi. 1981-jılı 19-iyulde Qazaqstan IA til bilimi institutında «Qaraqalpaq tili lingvistikalıq terminologiyasınıń qáliplesiwi hám rawajlanıwı» degen temada kand. diss. jaqladı. Q. Pirniyazov qaraqalpaq tili terminologiyası hám qaraqalpaq tilin oqıtıw metodikası menen shuǵıllandı. Ilimpaz 2003 jılı 3-iyul kúni dúnyadan ótti.

Miynetleri[redaktorlaw | derekti jańalaw]

  • Formirovanie i razvitie karakalpakskoy lingvisticheskoy terminologii (A., 1981);
  • Qaraqalpaq tiliniń lingvistikalıq terminologiyası (N., 1987);
  • Orta mekteplerde qaraqalpaq tilin oqıtıw metodikası (N., 1988 E. Berdimuratov penen birgelikte);
  • Baslawısh klaslarda qaraqalpaq tilin oqıtıw metodikası (N., 1993).