Quralbay Paxratdinov
| Quralbay Paxratdinov | |
|---|---|
 | |
| Tuwılǵan sánesi | 1961-jılı |
| Tuwılǵan jeri | Moynaq rayonı |
| Milleti | Qaraqalpaq |
| Ilimiy tarawı | Tyurkologiya, filologiya, til bilimi, onomastika |
| Jumıs orınları | ÓzIA QF N.Dáwqaraev atındaǵı TTÁI (1985) QMU (1988-házirge shekem) |
| Bilim alǵan jeri | NMU (1983) N.Dáwqaraev atındaǵı TTÁI (aspiranturası, 1988) |
| Ilimiy dárejesi | Filologiya ilimleriniń kandidantı (1992), docent |
| Belgili tezis(ler)i | «Qaraqalpaq tilinde mal sharwashılıq leksikası» (1992) |
| Sıylıqları | «Watan pidayısı» kókirek belgisi (2024) |
Quralbay Paxratdinov 1961-jılı Moynaq rayonında tuwıldı.
Miynet jolı
[redaktorlaw | derekti redaktorlaw]1983-jılı NMU filologiya fakultetiniń qaraqalpaq tili hám ádebiyatı bólimin pitkergennen keyin 1983-85-jılları armiyada xızmet etti. 1985-jılı ÓzIA QF N.Dáwqaraev atındaǵı TTÁI qaraqalpaq tili tariyxı hám dialektologiyası bóliminde kishi ilimiy xızmetker bolıp isledi. 1986-jılı Moskvada Til bilimi institutında eki jıllıq tájiriybe asırıwda (stajirovkada) boldı. 1988-jılı N.Dáwqaraev atındaǵı TTÁI janındaǵı aspiranturaǵa sırttan oqıwǵa kirdi hám usı jıldıń yanvarınan baslap Berdaq atındaǵı QMUǵa jumısqa ótti. Qaraqalpaq tili kafedrasında docent bolıp isledi.
Ilimiy jumısı
[redaktorlaw | derekti redaktorlaw]1992-jılı 30-oktyabrde Nókiste «Qaraqalpaq tilinde mal sharwashılıq leksikası» degen temada kandidantlıq dissertaciyasın jaqladı.
Ilimpaz qaraqalpaq onomastikası boyınsha ilimiy jumıslar alıp barıp atır.
Sıylıqları
[redaktorlaw | derekti redaktorlaw]Ilimpaz 2024-jılı 1-dekabrde Qaraqalpaqstan Respublikasınıń «Mámleketlik til haqqında»ǵı Nızamı qabıl etilgenine 34 jıl tolıwı qarsańında «Watan pidayısı» kókirek belgisi menen sıylıqlandı[1].
Miynetleri
[redaktorlaw | derekti redaktorlaw]- Jivotnovodcheskaya leksika v karakalpakskom yazike. (N., 1992);
- Qısqasha qaraqalpaqsha-russha sózlik (N., 1992 A.Bekbergenov penen birge);
- Túrkiy tillerdiń jazba estelikleri (N., 1996 D.Nasırov penen birge);
- Til bilimi terminleri sózligi (N., 1997 A.Bekbergenov penen birge);
- Ayjarıq Bekbergenov (60 jıllıǵına) (N., 1998);
- Kórnekli tyurkologlar. Biobibliografiyalıq maǵlıwmatlar (N., 1999 A.Bekbergenov penen birge);
- Qaraqalpaq til bilimi. Bibliografiyalıq kórsetkish (N.,1999 A.Dáwletov penen birge);
- Qaraqalpaq filologiyası boyınsha bibliografiyalıq kórsetkish (N., 1999 Q.Orazımbetov penen birge);
- Belgili alım, úlgili ustaz (O.Dospanov haqqında N., 2000 J.Qayırbaev penen birge);
- Filolog ilimpaz hayal-qızlar. N., 2017. (G.Patullaeva menen birge);
- Қарақалпақ тилиниң фразеологизмлер сөзлиги. Н., 2018 (Қ. Бекниязов пенен бирге).
Ádebiyatlar
[redaktorlaw | derekti redaktorlaw]- Бекбергенов А., Пахратдинов Қ. Қарақалпақ тилин изертлеўшилер. Биобиблиографиялық очерклер. —Нөкис, «Қарақалпақстан», 2000. 52 бет, ISBN 5-8272-0196-0
- Пахратдинов Қ., Атабаев Қ. Қарақалпақ тил билими бойынша библиографиялық көрсеткиш. [Текст] —Нөкис, «Qaraqalpaqstan», 2000. 60 бет, ISBN 978-9943-7843-7-6
Derekler
[redaktorlaw | derekti redaktorlaw]- ↑ „Qaraqalpaq tiline mámleketlik til biyligi berilgen kún múnásibeti menen bayram saltanatı ótkerildi“. QMUdıń rásmiy telegram kanalı (1-dekabr 2024-jıl).