Ráwiya Esemuratova
| Ráwiya Esemuratova | |
|---|---|
 | |
| Tuwılǵan sánesi | 13-iyun 1927-jılı |
| Qaytıs bolǵan sánesi | 24-oktyabr 2019-jılı (92 jasta) |
| Jumıs orınları | Qaraqalpaqstan bilimlendiriw ministrligi (1946-1947) ÓzIA Qaraqalpaqstandaǵı ekonomika hám mádeniyat institutı (1956-1957) ÓzIA QF N.Dáwqaraev atındaǵı TTAI (1961) |
| Bilim alǵan jeri | Shımbay peduchilishesi (1946) QMPI (1949-1952) M.V.Lomonosov atındaǵı Moskva mámleketlik universiteti (1952-1956) |
| Belgili tezis(ler)i | «Qaraqalpaq leksikasınıń Ullı Oktyabr revolyuciyasınan keyingi dáwirde rawajlanıwı» (1964) |
| Sıylıqları | «Qaraqalpaqstanǵa miyneti sińgen ilim ǵayratkeri» (1977) Beruniy sıylıǵınıń laureatı (1996) |
Ráwiya Esemuratova (1927-2019) — 1927-jılı 13-iyunde Tórtkúl qalasında tuwıldı. 1946-jılı Shımbay peduchilishesin pitkerip, 1946-1947-jılları Qaraqalpaqstan bilimlendiriw ministrliginde baslanǵısh mektepler boyınsha inspektor bolıp isledi. 1949-1952-jılları QMPI pitkergennen keyin Nókis qalasınıń mekteplerinde qaraqalpaq tili hám ádebiyatınan sabaq berdi. 1952-1956-jılları M.V.Lomonosov atındaǵı Moskva mámleketlik universitetinde oqıdı. 1956-1957-jılları ÓzIA Qaraqalpaqstandaǵı ekonomika hám mádeniyat institutında kishi ilimiy xızmetker islese, 1961-jıl ÓzIA QF N.Dáwqaraev atındaǵı TTAI sózlikler hám terminologiya bóliminde úlken ilimiy xızmetker bolıp isledi.
Ilimpaz 2019-jılı 24-oktyabrde dúnyadan ótti.
Ilim jolı
[redaktorlaw | derekti redaktorlaw]1964-jılı Tashkentte «Qaraqalpaq leksikasınıń Ullı Oktyabr revolyuciyasınan keyingi dáwirde rawajlanıwı» temada kandidatlıq dissertaciyasın jaqladı.
Sıylıqları
[redaktorlaw | derekti redaktorlaw]1977-jılı R.Esemuratovaǵa «Qaraqalpaqstanǵa miyneti sińgen ilim ǵayratkeri» húrmetli ataǵı berildi.
1996-jılı ol tórt tomlıq «Qaraqalpaq tiliniń túsindirme sózligi»n dúziwge qatnasqanlıǵı ushın Ózbekstan Respublikası ilim hám texnika tarawındaǵı Beruniy sıylıǵınıń laureatı boldı.
Miynetleri
[redaktorlaw | derekti redaktorlaw]- Razvitie karakalpakskoy leksiki posle Velikoy Oktyabrskoy socialisticheskoy revolyucii. (T., 1964);
- Oktyabr hám qaraqalpaq leksikası. (N., 1966);
- Qaraqalpaq tiliniń qısqasha orfografiyalıq sózligi. (N., 1989 basqa avtorlar menen birge);
- Qaraqalpaq tiliniń qısqasha orfoepiyalıq sózligi. (N., 1992 basqa avtorlar menen birge).
Derekler
[redaktorlaw | derekti redaktorlaw]- Бекбергенов А., Пахратдинов Қ. Қарақалпақ тилин изертлеўшилер. Биобиблиографиялық очерклер. —Нөкис, «Қарақалпақстан», 2000. 52 бет, ISBN 5-8272-0196-0