Beknazar Saparov
| [[Fayl:|280px|súwret]] | |
| Tuwılǵan sánesi | 18-aprel 1948 |
|---|---|
| Qaytıs bolǵan sánesi | 17-may 2021 (73 jasta) |
Saparov Beknazar Habipovich 1948-jılı 18-aprelde Qaraqalpaqstan ASSRının' Xo'jeli rayonı 5-shi awıl sovetinde tuwılg'an. Milleti Qaraqalpaq, shan'araqlı 7 perzentli bolg'an.
Xo'jeli rayonında 1955-jılı mektepke barıp 1963-jılı mekteptin' 8-klassın pitkerip, sol 1963-jılı Fergana oblastının' Marg'ulan qalasındag'ı Plan-ekonomika texnikumına kirip, 1966-jılı sawda-ekonomisti qaniygeligin alg'an.
1970-jılı oktyabr ayında Sovet armiyası qatarına shaqırtılıp, Krasnodar krayında ishki-isler voyıskasında hizmet o'tegen ha'm SSSR Qurallı ku'shlerinin' zahiradag'ı oficer esabında bolg'an.
1976-jılı Tashkent halıq xojalıg'ı institutının' sawda ekonomika fakultetinin' sırttan oqıp pitkerip joqarı mag'lumatlı sawda-ekonomisti qaniyqeligin alg'an.
1979-jılı Ken'es awqamı Kommunistik partiyası ag'zalıg'ına qabıl etilgen.
1966-1980 jıllar aralıg'ında Qaraqalpaqstannın' sawda-ekonomika tarawları ka'rhanalarında ha'r tu'rli lawazımlarda, son' 1981-1989 jıllar aralıg'ında sawda-ekonomika tarawları ka'rhanalarında basshı lawazımlarında jumıs islegen.
1990-jılı Ken'es hu'kimetinin' Qaraqalpaqstandag'ı sawda waziri etip tayınlang'an.
1991-jılı 30-avgust ku'ni Ken'es Hu'kimeti (SSSR) tarqatılıp sonın' menen birge Ken'es hu'kimetinin' Qaraqalpaqstandag'ı sawda wazirligi tarqatılg'an.
O'tken XX-asirde hu'kimranlıq qılg'an Ken'es hu'kimetinin' Qaraqalpaqstandag'ı en' son'g'ı sawda waziri Saparov Beknazar Habipovich 2021-jıldın' 17-may ku'ni 73 jasında dunyadan man'gige ko'z jumg'an.
Nagradaları: Qaraqalpaqstan ASSRına miyneti singen sawda xizmetkeri. SSSR tutınushlar kooperaciyası Lenin ordenı