Silicon Valley Bank
.svg){kind=logo}
SVB Financial Group Kaliforniyada jaylasqan finanslıq topar. Iskerliginiń tiykarı Silicon Valley Bank (Silicon oypatlıǵı Banki) esaplanadı. AQShtan tısqarı Ullı Britaniya, Irlandiya, Germaniya, Izrail, Qıtay, Gonkong, Hindistan, Daniya, Kanada hám Kayman atawlarında da iskerlik júrgizedi. Kompaniya 2021-jılǵı Fortune 500 diziminde 613-orındı iyeledi[1].
Silicon Valley Bank 1983-jılda Kaliforniya shtatınıń San-Xose qalasında islengen. 1985-jılda Palo Altoda, 1986-jılda Santa Klarada bólim ashılǵan. 1988-jılda baslanǵısh akciyalar jaylasıwı ótkerildi. 1995-jılda shtab-kvartira San-Xoseden Santa Klaraǵa kóshirildi. 1999-jılda Delaverde dizimnen ótken SVB Financial Group holding kompaniyası dúzildi. 2004-jılda Ullı Britaniya hám Hindistanda, 2005-jılda bolsa Qıtay hám Izrailda xızmetler baslandı. 2012-jılda Shanghai Pudong Development Bank penen Qıtayda venchur kapitalın finanslıq támiynlew menen shuǵıllanatuǵın qospa kárxana dúzildi.
Smit basshılıǵında bank 1990-jıllardıń baslarında portfoliosınıń 50% n quraytuǵın joqarı dárejedegi qáwipli kóshpes múlk krediti biznesine diversifikaciya etildi. 2020-jıl aqırında aktivler 116 milliard dollardı quradı, sonnan 49 milliard bólegi qımbatlı qaǵazlarǵa tuwrı keldi (tiykarınan, ipoteka kreditleri), 45 milliard berilgen kreditlerge tuwrı keldi (tiykarınan, texnologiya hám den-sawlıqtı saqlaw salasındaǵı kompaniyalardı venchur finanslıq támiynlew sheńberinde 30 millionnan artıq kreditler); berilgen kreditlerdiń derlik yarımı Kaliforniya,Nyu-York hám Massachusets shtatlarına tuwrı keldi. Zárúrli iskerlik baǵdarı- AQShtıń batıs bólegindegi vino xojalıqların finanslıq támiynlewge, qabıl etilgen depozitlar 102 milliard dollardı quradı[2].
Derekler[redaktorlaw | derekti jańalaw]
- ↑ „SVB Financial Group“ (inglisshe). 16-oktyabr 2021-jılda túp nusqadan arxivlendi. Qaraldı: 15-oktyabr 2021-jıl.
- ↑ „Annual Report 2020, Form 10-K“ (inglisshe). SVB Financial Group. 16-oktyabr 2021-jılda túp nusqadan arxivlendi. Qaraldı: 15-oktyabr 2021-jıl.