Singapurda bilimlendiriw
Singapurda bilimlendiriw bilimlendiriw siyasatın basqaratuǵın Bilimlendiriw Ministirligi tárepinen basqarıladı. Ministrlik mámleket mektepleriniń rawajlanıwı hám basqarıwdı qadaǵalaydı hám menshikli mekteplerde máslahátshi hám qadaǵalawshı rolga iye. Menshikli hám mámleketlik mektepleri ushın oqıw programmaların tańlawda olardıń avtonomiya dárejesi, mámleket járdemi hám finanslıq támiyinlew kólemi,oqıwshılar moynına júklengen júk hám oqıwshılardı dizimge alıw qaǵıydalarında ayırmashılıqlar bar[1].
2000-jılda Singapur parlamenti mektep jasındaǵı balalardıń tálim alıwı májbúriy hám eger ata-analar perzentleriniń mektepte durıs qatnasıwın támiyinlemese, juwapkerlikke tartılatuǵın nızamdı qabılladı[2].Eger bala úyde yamasa qánigelestirilgen diniy mektepte oqıp atırǵan bolsa, esaptan tısqarı esaplanadı.
Singapurdaǵı bilimlendiriw mákemelerinde kópshilik pánler inglis tilinde[3],ásirese, matematika hám tábiyiy pánler boyınsha oqıtıladı. Singapurdıń burınǵı bas ministri Li Kuan Yu anglichan tilinen kúndelik baylanıs tili retinde paydalanıwdı usınıs etdi, bul túrli etnik hám mádeniy kelip shıǵıwı basqa bolǵan puqaralardıń baylanısın ańsatlastıradı, sonıń menen birge, Singapurdıń jáhán ekonomikasına integraciyalasıw procesin ápiwayılastıradı.
Tiykarǵı tayarlıq
[redaktorlaw | derekti redaktorlaw]Tayanısh basqıshında studentler inglis tilin, ana tilin (Qıtay, malay yamasa tamil) hám de matematikanı úyrenedi[4].Bunnan tısqarı, mektep oqıw programması etika, kórkem jumıs, muzıka hám dene tárbiyasın óz ishine aladı.
Eki tillilik
[redaktorlaw | derekti redaktorlaw]Eki tillilik Singapur tálim sistemasınıń tiykarı esaplanadı[5].Inglis tili mekteplerde oqıtılatuǵın birinshi til hám basqa pánler boyınsha oqıtıw tili bolsa da, kópshilik oqıwshılar hám studentler úsh rásmiy tilden biri bolıwı múmkin bolǵan „ana tilin“ úyreniwleri kerek: Qıtay, malay hám tamil. Ana tili imtixanı baslawısh mektepti tamamlaw imtixanınıń (PSLE) hám de N-, O- hám A-dárejedegi sertifikatlastırıw imtixanlarınıń zárúr komponenti bolıp tabıladı. Ana tilin jeterlishe joqarı dárejede biliw Singapurdaǵı universitetlerge kiriw ushın zárúrli shárt esaplanadı, eger basqa mámleketlerden kelgen studentler qaǵıydaǵa ámel etpewi múmkin boladı[6].
Eki tillilik siyasatı birinshi ret 1966-jılda tastıyıqlanǵan.Onıń tiykarǵı maqsetlerinen biri inglis tilin Singapurdıń túrli etnik hám mádeniy gruppaları ushın neytral baylanıs tili retinde rawajlandırıw bolıp tabıladı.Inglis tiliniń «birinshi til» retinde tán alınıwı da Singapurdıń jáhán ekonomikasınıń integraciyalasıwın kúsheytiwge qaratılǵan.
Mámlekette til hám mádeniy plyuralizmniń tán alınıwı oqıwshılar hám studentlerge óz ana tilin úyreniw, óz etnik túbirlerin esten shıǵarmaw hám olar menen baylanısıw,sonıń menen birge ayrıqsha mádeniy qásiyetlerin saqlap qalıw múmkinshiligin támiyinlewden ibarat[7].
Derekler
[redaktorlaw | derekti redaktorlaw]- ↑ „Singapore: Organisation and control of education system“. National Foundation for Educational Research in England and Wales. 28-yanvar 2013-jılda túp nusqadan arxivlendi. Qaraldı: 1-may 2006-yil.
- ↑ „Compulsory Education Act (Chapter 51)“. Singapore Statutes Online (2000). 28-yanvar 2013-jılda túp nusqadan arxivlendi.
- ↑ . http://www.asiaone.com/News/Education/Story/A1Story20091109-178771.html.
- ↑ „Subject-based Banding“. Ministry of Education Singapore. 28-yanvar 2013-jılda túp nusqadan arxivlendi. Qaraldı: 16-noyabr 2012-yil.
- ↑ „Система образования Сингапура“. 27-aprel 2012-jılda túp nusqadan arxivlendi. Qaraldı: 13-yanvar 2013-yil.
- ↑ „Returning Singaporeans - Mother Tongue Policy“. Ministry of Education, Singapore (25-avgust 2006-yil). 3-avgust 2003-jılda túp nusqadan arxivlendi.
- ↑ . http://english.people.com.cn/200505/13/eng20050513_184878.html.