Taxtakópir rayonı

Taxtakópir — Qaraqalpaqstan Respublikasındaǵı rayon.Taxtakópir rayonı jer maydanı Qaraqalpaqstan Respublikası boyınsha 3-orında. Taxtakópir rayonı qublada Beruniy, qubla-shıǵısta Ellikqala, batısta Qaraózek, arqa-batısta Moynaq rayonları, arqa-shıǵısta Qazaqstan Respublikası hám shıǵısta Nawayı wálayatı menen shegaralasadı.

Xalqı

Taxtakópir rayonında sanı boyınsha birinshi millet qaraqalpaqlar, al ekinshi millet qazaqlar. Múlk awılında derlik hámme qazaqlar hám qazaqsha sóyleydi.

Táriyxı

1928-jılı may ayında dúzilgen rayon 1963-jılı Shımbay rayonına birlestirilgen. Al 1965-jılı óz atı menen Shımbay rayonınan ajıralıp shıqqan.

Jeri hám administrativ bóliniwi

Maydanı 21,1 mıń km². Rayonda 1 qalasha (Taxtakópir), 8 awıl puqaralar jıyını (Beltaw, Jańadárya, Múlk, Atakól, Aǵatay Ádilov, Qaraoy, Qaratereń, Qońıratkól) bar.Rayon orayı — Taxtakópir qalashası.

Tábiyatı

Rayon aymaǵı Ámiwdárya tómengi aǵımı shep jaǵasında jaylasqan.

Relyefi, tegislik hám Beltaw qırlarınan ibarat.

Shıǵısı Qızılqum shóli menen baylanısadı.

Egislik jerleriniń kópshilik bólimi shorlanǵan jerlerdi quraydı. Qumǵa jaqın jaylasqan aymaqlardaǵı úyler aǵash kemiriwshi qurt qumırsqadan, termitten jábir kórip, baspanasız qalıp, kóship ketiwge májbúr bolmaqta.