Uzaqbergen Embergenov
| Uzaqbergen Embergenov | |
|---|---|
 | |
| Tuwılǵan sánesi | 1938-jılı |
| Tuwılǵan jeri | A. Dosnazarov savxozı, Qaraózek rayonı |
| Ilimiy tarawı | Qaraqalpaq filologiyası, til bilimi |
| Bilim alǵan jeri | QMPI (1962) |
| Ilimiy dárejesi | Filologiya ilimleriniń kandidatı (1971), docent |
| Belgili tezis(ler)i | «Házirgi qaraqalpaq tilinde eliklewish sózler» (1971) |
Uzaqbergen Embergenov (1938) — Qaraózek rayonınıń A. Dosnazov (Kalinin) sovxozı aymaǵında tuwıldı.
1962-jılı QMPI tariyx-filologiya fakultetin (qaraqalpaq tili hám ádebiyatı bólimi) pitkerip, 1962-1964-jılları usı instituttıń sırttan oqıw bóliminde metodist bolıp isledi. 1964-1966-jılları ÓzIA QF N.Dáwqaraev atındaǵı TTAI házirgi qaraqalpaq tili sektorında laborant bolıp isledi. 1966-1969-jılları aspiranturada oqıdı. 1969-1979-jılları instituttıń sol sektorında kishi ilimiy xızmetker bolıp isledi. 1979-1990-jılları Ózbekstan pedagogikalıq ilim izertlew institutınıń Qaraqalpaqstan filialınıń qaraqalpaq tili hám ádebiyatın oqıtıw metodikası sektorında úlken ilimiy xızmetker bolıp, sońınan usı sektordı basqardı. 1990-jıldıń sentyabrinen baslap Ájiniyaz atındaǵı NMPI baslawısh bilim beriw metodikası kafedrasında úlken oqıtıwshı bolıp isledi. 1993-jıldıń oktyabrinen usı instituttıń qaraqalpaq til bilimi kafedrasında úlken oqıtıwshı lawazımında isledi.
Ilim jolı
[redaktorlaw | derekti redaktorlaw]1971-jıldıń 2-iyunda ÓzIA Til hám ádebiyat institutında «Házirgi qaraqalpaq tilinde eliklewish sózler» degen temada kandidatlıq dissertaciya jaqladı.
U.Embergenov qaraqalpaq tili grammatikasınıń máseleleri menen shuǵıllandı.
Miynetleri
[redaktorlaw | derekti redaktorlaw]- Podrajatelnıe slova v sovremennom karakalpakskom yazıke. (N., 1971);
- Házirgi qaraqalpaq tilindegi eliklewish sózler. (N., 1990).
Ádebiyatlar
[redaktorlaw | derekti redaktorlaw]- Бекбергенов А., Пахратдинов Қ. Қарақалпақ тилин изертлеўшилер. Биобиблиографиялық очерклер. —Нөкис, «Қарақалпақстан», 2000. 52 бет, ISBN 5-8272-0196-0