Ayman Nájimov
| Ayman Nájimov | |
|---|---|
 | |
| Tuwılǵan sánesi | 20-mart 1935-jılı |
| Tuwılǵan jeri | Qaraózek rayonı Qarakól awıl keńesi |
| Qaytıs bolǵan sánesi | 12-may 1998-jılı (63 jasta) |
| Qaytıs bolǵan jeri | Nókis qalası |
| Ilimiy tarawı | Sóz jasalıw, leksika máseleleri, ádebiy shıǵarmalardıń tili |
| Jumıs orınları | Qaraózek rayonınıń Kalinin atındaǵı orta mektebi (1957-1966) NMPI (1966) |
| Bilim alǵan jeri | QMPI |
| Ilimiy dárejesi | Filologiya ilimleriniń kandidatı |
| Ilimiy ataǵı | docent (1979), professor (1992) |
| Belgili tezis(ler)i | «Qaraqalpaq tilindegi jup hám tákirar sózlerdiń jasalıw usılları» (1971) |
| Sıylıqları | «Qaraqalpaqstan Respublikasına miyneti sińgen xalıq bilimlendiriw xızmetkeri» «Ózbekstan xalıq bilimlendiriw aǵlası» |
Ayman Nájimov — Qaraqalpaqstan Respublikasına miyneti sińgen xalıq bilimlendiriw xızmetkeri, filologiya ilimleriniń kandidatı, professor.
1935-jılı 20-martta Qaraózek rayonınıń Qarakól awıl keńesinde tuwıldı. 1957-jılı QMPI qaraqalpaq tili hám ádebiyatı fakultetin pitkerip, 1957-1966-jılları Qaraózek rayonınıń Kalinin atındaǵı orta mektebinde muǵallim bolıp isledi.
1966-jıldıń dekabrinen baslap NMPI, NMU qaraqalpaq tili kafedrasında dáslep oqıtıwshı, sońınan docent bolıp isledi. 1990-1992-jılları NMPI baslawısh bilim beriw metodikası kafedrasınıń baslıǵı, 1992-jıldan baslap ómiriniń aqırına deyin usı instituttıń qaraqalpaq tili kafedrasın basqardı.
1998-jılı 12-mayda Nókiste qaytıs boldı.
Ilim jolı
[redaktorlaw | derekti redaktorlaw]1971-jılı noyabrde Almatıda Qazaqstan IA Til bilimi institutında «Qaraqalpaq tilindegi jup hám tákirar sózlerdiń jasalıw usılları» degen temada kandidantlıq dissertaciya jaqladı. 1979-jılı docent, 1992-jılı professor ataqların aldı.
A.Nájimov, kóbinese qaraqalpaq tilindegi sóz jasalıw, leksika máselelerin, ádebiy shıǵarmalardıń tilin izertledi. Ol xalıq bilimlendiriw tarawındaǵı hám ilim izertlew jumıslarındaǵı tabıslı miynetleri ushın «Qaraqalpaqstan Respublikasına miyneti sińgen xalıq bilimlendiriw xızmetkeri» ataǵın aldı hám Ózbekstan xalıq bilimlendiriw aǵlası boldı.
Miynetleri
[redaktorlaw | derekti redaktorlaw]
- Способы образования парных и парно-повторных слов в каракалпакском языке. АКД. Н., 1971. 30 б.;
- Қарақалпақ тилинде жуп ҳәм тәкирар сөзлер. Н., 1979. 112 б.;
- Ҳәзирги қарақалпақ тили синтаксиси. Н., 1990 100 б.
Ádebiyatlar
[redaktorlaw | derekti redaktorlaw]- Бекбергенов А., Пахратдинов Қ. Қарақалпақ тилин изертлеўшилер. Биобиблиографиялық очерклер. —Нөкис, «Қарақалпақстан», 2000. 52 бет, ISBN 5-8272-0196-0