Bahodir Jalolov
| Bahodir Jalolov | |
|---|---|
 | |
| Jeke maǵlıwmatları | |
| Puqaralıǵı | Ózbekstan |
| Tuwılǵan sánesi | 8.07.1994 Sariosiyo, Ózbekstan |
| Boyı | 201 sm |
| Sport | |
| Sport túri | Boks |
Bahodir Jalolov Isomiddin ulı (1994-jıl 8-iyulda tuwılǵan) − awır salmaq kategoriyasında professional boksshı. Ózbekstan Respublikası xalıqaralıq kategoriyadaǵı sport sheberi, Olimpiada oyınları chempionı (2020-jıl), eki márte jáhán chempionı (2019-jıl, 2023-jıl), jáhán chempionatınıń qola medalı jeńimpazı (2015-jıl), úsh márte Aziya chempionı (2017-jıl, 2019-jıl, 2021-jıl). 2019-jılı “Oʻzbekiston iftixori” ataǵı menen sıylıqlanǵan.
Professionallar arasında awır salmaq kategoriyasında NABF Junior boyınsha jas óspirimler arasında Arqa Amerika chempionı (2019-jıldan házirgi waqıtqa shekem). 2021-jıl aprel ayı boyınsha, BoxRec reytingindegi eń jaqsı poziciyada − 73-orındı iyelegen hám awır salmaq kategoriyasında Ózbekstanlı boksshılar arasında 1-orında. 2019-jıl sentyabrde tiykarǵı xalıqaralıq boks shólkemleri reytinginde, yaǵnıy WBC reytinginde 40-orındı iyeledi hám dúnyanıń eń jaqsı awır kategoriyasındaǵı TOP-75 ke kirdi.
Dáslepki karyerası
[redaktorlaw | derekti redaktorlaw]Ol bokstı Shırshıq olimpiada rezervleri kolledjiniń 7-klasında Rustam Saidov hám Tolqın Qilichev penen basladı. 2009-jılda jaslar arasında mámleket chempionatınıń gúmis medalın qolǵa kirgizdi.
2013-jılda Ózbekstan chempionı boldı hám 2014 hám 2015-jıllarda ol usı jeńisin qaytaladı.
2015-jılda Jáhán chempionatınıń qola medalın qolǵa kirgizdi.
2016-jılǵı Olimpiada oyınları
[redaktorlaw | derekti redaktorlaw].jpg)
2016-jıl avgust ayında ol Olimpiadaǵa qatnastı, ashılıw saltanatında Ózbekstan saylandı komandasınıń bayraǵın alıp shıqqan. Olimpiadada ol sherek finalǵa shıqtı: yarım sherek finalda ol venesuelalı tájiriybeli boksshı − Edgar Munozdı nokautqa ushırattı. Biraq sherek finalda tóreshiler sheshimi menen 0:3 esapta britaniyalı Jozef Joystan jeńildi.[1]
2017-jıl
[redaktorlaw | derekti redaktorlaw]2017-jılı mayda ol Tashkentte 91 kg nan joqarı salmaq kategoriyasında Aziya chempionı boldı hám finalda Qazaqstanlı boksshı Qamshıbek Qońqabaevtı jeńdi.
2017-jılı avgustte Gamburgte (Germaniya) ótkerilgen jáhán chempionatına qatnasıp, yarım sherek finalda Jalolov tájiriybeli Deyn Kem Yungkvistti 1-raundta nokaut etip, jeńiske eristi.[2] Biraq sherek finalda 2:3 esap penen Qazaqstanlı Qamshıbek Qońqabaevtan utıldı.[3]
2019-jıl
[redaktorlaw | derekti redaktorlaw]2019-jıl aprelde ol Bangkokta (Tayland) 91 kg nan joqarı salmaq kategoriyasında Qazaqstanlı Qamshıbek Qońqabaevti finalda jeńip jáne Aziya chempionı boldı.
2019-jıl sentyabrde ol Ekaterinburgta (Rossiya) ótkerilgen jáhán chempionatında sherek finalda 20 jaslı amerikalı boksshı Richard Torrezdi nokaut penen jeńip[4], yarım finalda rossiyalı tájiriybeli Maksim Babanindi jeńdi (5:0)[5] hám finalda Qazaqstanlı tájiriybeli boksshı Qamshıbek Qońqabaev penen jekpe-jekke túsip, 5:0 esapta jáhán chempionı boldı.[6][7]
2021-jıl
[redaktorlaw | derekti redaktorlaw]2021-jıl fevralda ol Sofiyada (Bolgariya) ótkerilgen “Strandzha Cup” xalıqaralıq turniriniń 91 kg nan joqarı salmaq kategoriyasında ukrainalı Cotne Rogavanidi jeńip, jeńimpaz boldı.[8]
2021-jıl aprelde Jalolov “Sankt-Peterburg gubernatorı kubogı” xalıqaralıq turniriniń finalında tájiriybeli rossiyalı Ivan Veryasovtı jeńip shıǵıp, jeńimpazlıqtı qolǵa kirgizdi.[9]
2021-jılı may ayında ol Dubayda (BAÁ) ótkerilgen 91 kg nan joqarı salmaq kategoriyasında jáne finalda Qazaqstanlı Qamshıbek Qońqabaevti jeńip Aziya chempionı boldı.
2020-jılǵı Olimpiada oyınları
[redaktorlaw | derekti redaktorlaw]2020-jıl martta Amman qalasında (Iordaniya) Jalolov 1-orındı iyeledi hám 2020-jılǵı Olimpiada oyınlarına Aziya/Okeaniyadan saralaw turnirine jollama aldı. 2021-jıl iyul-avgust aylarında Tokioda ótkerilgen 2020-jılǵı Olimpiada oyınlarınıń ashılıw saltanatında ol taǵı da ekinshi ret Ózbekstan milliy saylandı komandasınan bayraqtı alıp shıqtı. Olimpiada oyınlarında qatnasıp, jarıstıń yarım sherek finalında ázerbayjanlı Muhammed Abdullaevtı 5:0 esabında jeńdi.[10] Finalda amerikalı Richard Torres penen jekpe-jekke shıqtı. 3 raund dawam etken jekpe-jekte qarsılasın jeńip, altın medaldı alıwǵa eristi. Bul Ózbekstan delegaciyasınıń Tokio-2020 daǵı 5-medalı esaplanadı.[11] Olimpiada chempionı bolǵan Bahodir Jalolovqa Prezident sawǵası − “Chevrolet Tahoe” avtomobili sawǵa etildi. Sonday-aq, úy gilti hám 200 mıń dollar pul sıylıǵı tapsırıldı.[12][13]
Professional iskerligi
[redaktorlaw | derekti redaktorlaw]2018-jılı fevral ayında ol Amerikanıń Fight Promotions promouterlik kompaniyası menen shártnamaǵa qol qoydı.[14] 2018-jıl 5-mayda AQSHta utılıp kórmegen meksikalı boksshı Ugo Truxilonı 3-raundta texnikalıq nokaut penen utıp (4-0-1), professional ringte tabıslı debyuttı ámelge asırdı.
2019-jıl 10-aprelde Nyu-Yorkta (AQSH) ótkerilgen 6 - jekpe-jeginde ol amerikalı Brendan Barretti 1-raundta nokaut penen jeńdi (7-2-2) hám awır salmaq kategoriyasındaǵı NABF Junior Arqa Amerika chempionı ataǵın qolǵa kirgizdi.
2022-jıl 11-iyunda Nyu-Yorkta (AQSH) awır salmaq kategoriyasında kiyatırǵan ataqlı boksshı Bahodir Jalolov (10−0, 10KO) belgiyalı boksshı Jek Mulovaydı (11−2-1, 7KO) segizinshi jekpe-jekte nokaut penen jeńip, taǵı da jeńiske eristi.
Derekler
[redaktorlaw | derekti redaktorlaw]- ↑ „Проспекты. Баходир Джалолов. Факты о боксёре“. Boxanalitika.ru (2 марта 2018). 19-fevral 2020-jılda túp nusqadan arxivlendi. Qaraldı: 18-aprel 2018-jıl.
- ↑ „ЧМ-2017 в Гамбурге: результаты всех поединков дневной сессии 28 августа“. vRINGe.com (28 августа 2017). Qaraldı: 5-dekabr 2018-jıl.
- ↑ „Четвертьфиналы ЧМ-2017 в Гамбурге: результаты поединков вечерней сессии 29 августа“. vRINGe.com (30 августа 2017). Qaraldı: 5-dekabr 2018-jıl.
- ↑ „ЧМ-2019 в Екатеринбурге: результаты всех поединков 1/4 финала“. vRINGe.com (18 сентября 2019). Qaraldı: 18-sentyabr 2019-jıl.
- ↑ „ЧМ-2019 в Екатеринбурге: результаты всех полуфиналов“. vRINGe.com (20 сентября 2019). Qaraldı: 22-sentyabr 2019-jıl.
- ↑ „ЧМ-2019 в Екатеринбурге: результаты всех финалов“. vRINGe.com (21 сентября 2019). Qaraldı: 22-sentyabr 2019-jıl.
- ↑ „Видео всех финальных поединков чемпионата мира по боксу 2019 в Екатеринбурге“. vRINGe.com (22 сентября 2019). Qaraldı: 22-sentyabr 2019-jıl.
- ↑ „Странджа-2021: все победители и призёры турнира в Болгарии“. vRINGe.com (28 февраля 2021). Qaraldı: 28-fevral 2021-jıl.
- ↑ „"Кубок Губернатора Санкт-Петербурга". Итоги“. Сайт Федерации бокса России (24 апреля 2021). Qaraldı: 28-aprel 2021-jıl.
- ↑ „Бокс на Олимпийских играх 2020. Баходир Джалолов победил Мухаммада Абдуллаева“. vRINGe.com (29 июля 2021). Qaraldı: 30-iyul 2021-jıl.
- ↑ „Токио-2020. Баҳодир Жалолов олтин медални қўлга киритди“. 10-avgust 2021-jılda túp nusqadan arxivlendi. Qaraldı: 8-avgust 2021-jıl.
- ↑ „Баҳодир Жалоловга «Chevrolet Tahoe» совға қилинди — видео“. 10-avgust 2021-jılda túp nusqadan arxivlendi. Qaraldı: 9-avgust 2021-jıl.
- ↑ „Токио Олимпиадаси ғолибларига энг кўп мукофот пули тўлаган мамлакатлар эълон қилинди“. 10-avgust 2021-jılda túp nusqadan arxivlendi. Qaraldı: 10-avgust 2021-jıl.
- ↑ „Узбекистанский супертяжеловес–нокаутёр Баходир Джалолов перешёл в профи“. vRINGe.com (5 февраля 2018). Qaraldı: 27-fevral 2018-jıl.