Qamshıbek Qońqabaev
| Qamshıbek Qońqabaev | |
|---|---|
 | |
| Jeke maǵlıwmatları | |
| Puqaralıǵı |  Qazaqstan |
| Tuwılǵan sánesi | 18.11.1991 Qızılorda |
| Boyı | 190 sm |
| Salmaǵı | 91 kg nan joqarı |
| Sport | |
| Sport túri | Boks |
| Trener(ler)i | Ǵalımjan Baygundiev |
Qamshıbek Qońqabaev (1991 jılı 18-noyabrde tuwılǵan, Qızılorda) − qazaqstanlı professional boksshı. Bokstan Qazaqstan milliy qurama komandasınıń kapitanı, jáhán chempionatınıń gúmis medalı jeńimpazı. Birinshi awır salmaq dárejesindegi sport sheberi. Qazaqstanǵa miyneti sińgen sport sheberi, 2020 jılǵı Olimpiada oyınlarınıń qola medalı iyesi, Jáhán chempionatınıń eki márte gúmis medalı jeńimpazı (2017, 2019), Aziya chempionatınıń úsh márte gúmis medal iyesi (2017, 2019, 2021), Bolgariyada ótkerilgen xalıqaralıq turnirdiń jeńimpazı (2015), Qazaqstan Respublikası spartakiadasınıń chempionı (2015).
Kásiplik dárejedegi professionallar arasında, WBO Asia Pacific (2021 jıldan baslap) boyınsha 1-awır salmaqta Aziya-Tınısh okeanı aymaǵınıń házirgi chempionı.
2020 jıl dekabrdegi jaǵday boyınsha BoxRec reytingindegi eń jaqsı poziciyası 44-orında hám birinshi awır salmaq dárejesindegi qazaqstanlı boksshılar arasında birinshi dúnyajúzilik awır salmaqtaǵı ayrıqsha boksshılardıń TOP 45-ligine kiredi.
Ómirbayanı
Qamshıbek 1991 jılı 18-noyabrde Qızılorda qalasında tuwılǵan. 1998-2009 jılları aralıǵında №197 orta mektepti pitkerdi. Qorqıt ata atındaǵı Qızılorda mámleketlik universitetinde “Huqıqtanıw” hám “Dene tárbiyası hám sport” qánigelikleri boyınsha bilim aldı. Balalıǵınan sportqa qızıǵıwshılıǵı ayrıqsha bolǵan Qamshıbekti boksqa ájaǵası Asqar Qońqabaev jetelep alıp barǵan. Sonnan berli tınbay miynet etken sportshı búgingi kúnde, Qazaqstanǵa miyneti sińgen sport sheberi, kóplegen respublikalıq turnirlerdiń jeńimpazı, Qazaqstan Respublikası IV jazǵı spartakiadasınıń jeńimpazı, Qubla Koreyada ótkerilgen qurallı kúshler arasındaǵı Dúnyajúzilik sport oyınlarında ekinshi hám Tashkent qalasında ótkerilgen Aziya chempionatınıń hám Germaniyada ótkerilgen jáhán chempionatınıń gúmis medalın qolǵa kirgizgen.[1] Awır salmaqta (91 kg nan joqarı) bokslasadı.
Karyerası
Háwesker karyera
Jáhán chempionatınıń nátiyjeleri
Gamburg 2017
- 16 Raund: Maks Keller (Germaniya) 5-0 jeńdi
- Sherek Final: Bahodir Jalolov (Ózbekstan) 3-2 jeńdi
- Yarım Final: Foku Arsen (Kamerun) 5-0 jeńdi
- Final: Magomedrasul Madjidov (Ázerbayjan) 4-1 jeńildi
Ekaterinburg 2019
- 116 Raund: Ayuba Gadfudı (Ispaniya) KO jeńdi
- Sherek Final: Nelvi Tiafakt (Germeniya) 5-0 jeńdi
- Yarım Final: Yustis Xuni (Avstraliya) W/O jeńdi
- Final: Bahodir Jalolov (Ózbekstan) 5-0 jeńildi
Júdá awır salmaqta (91 kg nan joqarı) bokslasatuǵın qazaqstanlı boksshı Qamshıbek Qońqabaev Olimpiada oyınlarınıń sherek finalına jollama aldı. 1/8 finalda ol mısırlı boksshı Esri Mostafanı 5:0 esabı menen jeńdi. Qazaq boksshısı úsh raund dawamıda qarsılasınan bir bas joqarı bokslastı. Tóreshiler de hár raundta upaydı Qamshıbek Qońqabaevqa bergen.[2]
Al sherek finalda rossiyalı boksshı Ivan Veryasov penen ushırastı. Birinshi raundtı Qońqabaev sátli ótkizdi. Tóreshiler jeńisti bir awızdan berdi. Ekinshi raundtı da qazaqstanlı sportshı baqlawda usladı. Úshinshi raundta rossiyalı boksshı táwekelge barıp, alǵa umtıldı. Biraq Qamshıbektiń qorǵanıwın buza almadı. Esap − 4:1. Ol yarım finalda Richard Torres (AQSH) penen ushırastı. Bul jekpe-jekte jeńilgen boksshı qola medaldi iyeleydi.[3][4]
Amerikalı boksshı menen ayqasıwdıń birinshi raundtında Qamshıbek sheginip júrip ayqastı. Jekelegen soqqıları ótkeni menen, raund sońına qarap ózi de soqqı ótkizip aldı. Birinshi raundtıń juwmaǵı boyınsha tórt tóreshi jeńisti Torreske berdi. Ekinshi raundta amerikalıǵa Qamshıbekten awır soqqılar tiydi. Sonda da raund sońında Qamshıbek nogdaunǵa túsip qaldı. Ekinshi raundtıń juwmaǵı boyınsha Torreske barlıq tóreshiler upay berdi. Úshinshi raundta Qamshıbek Qońqabaev awır soqqı alıp, jekpe-jekti waqıtınan burın tamamladı. Usılayınsha, Qońqabaev Tokio Olimpiadasınıń qola medalınıń iyesine aylandı.[5][6]
Professional karyera
2020 jıl 23-avgustta ol birinshi awır salmaqta professional debyut ámelge asırıp, tájiriybeli watanlası Isa Aqberbaevtı (20-1) 2-raundta texnikalıq nokaut penen birden jeńdi. Sportshınıń aytıwınsha, ol Tokio Olimpiadasına tayarlanıw ushın bir neshe jekpe-jek ótkiziwge sheshim qabılladı hám shártnamaǵa qol qoydı.
2021 jılı 27-fevralda, ol óziniń professional úshinshi jekpe-jeginde múddetinen burın, 6-raundtan keyin jekpe-jekti dawam etiwden bas tartıp, tájiriybeli Sarvar Emurlaevti (23-1) jeńip, Aziya chempionı ataǵın jeńip aldı.
Ataqları
- “Húrmet ordeni” (qaz. «Құрмет» ордені) (2021 jıl 13-avgust)
Derekler
- ↑ https://web.archive.org/web/20220811144355/https://100janaesim.ruh.kz/participants/2021/%D2%9Bamshyibek-%D2%9Bo%D2%A3%D2%9Babaev.html
- ↑ https://azattyq-ruhy.kz/sport/26554-tokio-2020-kamshybek-konk-abaev-egipettik-karsylasyn-zhenip-shirek-finalga-shykty
- ↑ https://massaget.kz/tokyo-2020/65811/
- ↑ https://egemen.kz/article/283580-qamshybek-qonhqabaev-bar-kushimdi-kelesi-dgekpe-dgekke-dgumsaymyn
- ↑ https://inbusiness.kz/kz/last/tokio-2020-kamshybek-konkabaev-el-korzhynyna-kola-medal-saldy
- ↑ https://kaz.tengrinews.kz/boxing/kamshyibek-konkabaev-jartyilay-finalda-jenlp-kola-medal-325546/