Bazarbay Serekeev

Wikipedia, erkin enciklopediya
Bazarbay Serekeev
Atı Bazarbay Serekeev
Tuwılǵan 1942-jılı
Qaytıs bolǵan 2017-jıl
Milleti Qaraqalpaq
Sıylıqları Berdaq atındaģı mámleketlik sıylıqtıń laureatı
[[Fayl:Bazarbayyyyyyy.jpg|280px|súwret]]
Tuwılǵan sánesi 1942[1]
Qaytıs bolǵan sánesi 2017

Biografiyası[redaktorlaw | derekti jańalaw]

Bazarbay Serekeev (1942-2017) - qaraqalpaq jivopis mektebiniń iri wákili hám belgili súwretlew óneri sheberleriniń biri. Onıń dóretiwshiligi óz aldına kóriniske iye bolıp, Qaraqalpaqstan Respublikası súwretlew óneri rawajlanıwı tarıyxınıń irgesin salıwda belgili bolǵan xudojnikler qatarınan orın alǵan. Ol óziniń ómiri dawamında úzliksiz miynet etiwi hám belsene iskerligi arqalı kórkem óneri rawajlanıwına úlken úles qostı hám onıń dóretiwshiligi keyingi áwlad ushın jarqın úlgi bolıp tabıladı. B.Serekeev 1942-jılı Qaraqalpaqstan Respublikası Kegeyli rayonında tuwıldı[2]

Iskerligi[redaktorlaw | derekti jańalaw]

Ol dóretiwshiligin 1962-jlldan, yaǵnıy Tashkent qalasındaǵı P.P.Benkov atındaǵı kórkem-óner bilim jurtın tamamlap, Nókiske qaytıp kelgennen soń basladı. Nókis kórkem-islep shıǵarıw ustaxanalarında óz jumısın baslaw menen bir qatarda, qaraqalpaq súwretlew óneri rawajlanıw dáwiri dawamında toqtawsız miynet etti hám nátiyjede óz jumıslarında ayrıqsha bir álemdi jarata aldı. Bunda xudojnik xalıq óneri, Ana Watanımız tariyxı, úrp-ádetlerine bolǵan ıqlas hám súyispenshiligin kórsetti. Jıllar dawamında tánha ózine tiyisli qol tańbası, jivopis islewde ózgeshe usıllardı qáliplestirdi. Onıń miynetleri súwret salıw kórinisleri hám koloritik sheshimleri menen tanımalı ekenin bilemiz.

Ol 1977-jıldan baslap Ózbekstan xudojnikleri kórkem dóretiwshilik birlespesi aǵzası retinde kóplegen kórgizbelerde belsene qatnastı. Kórgizbelerde onıń bir qatar jumısları Qaraqalpaqstan hám Ózbekstan hár qıylı qalalarında, sonday-aq, Rossiya, Bashqurtıstan, Daǵıstan, Tatarstan, Qazaqstan kórsetildi. Eń jaqsı hám kórnekli kartinaları Qaraqalpaqstan Respublikası tariyxı hám mádeniyatı muzeyi, Qaraqalpaq Mámleketlik I.V.Savitskiy atındaǵı kórkem-óner muzeyi, Ózbekstan kórkem-óner akademiyasl Qaraqalpaqstan bólimi fondlarında saqlanbaqta.

Respublikamızda jaylasqan kóplegen jumıs orınları imaratlarınıń intererin bezep tur, sonıń menen birge, onıń dóretiwshiIigi shaydalarınıń jeke kollekciyalarınan shet ellerde hám jerleslerimiz arasında kózge taslanadı. Ol jıllar dawamında bir neshe márte Respublikamız boylap jeke kórgizbelerin shólkemlestirdi. Bárshe dóretiwshi insanlar sıyaqlı, Bazarbay aǵa bárqulla izlegeni hámde tapqanı, onıń járdeminde qálegen shıǵarma dórete alatuǵın qubılıs bul jeke óziniń qol tańbası hám ol bir qaraǵannan dárhal tanıp alıw dárejesinde bolıwı kerek...

Rasında, xudojnik jaratqan kartinalar bárha tamashagóyler usılında, qániygeler ushın da júdá qızıqlı. Kartinalar hámme ushın túsinikli, ómirdi kóp túrlerde kórsetiwi menen bárshege jaqın hám quwanttıradı. Olar bizdi qorshap turǵan ortalıq, tábiyat, turmıs penen garmoniyada úylesimlikte, quwanıshta jasawǵa shaqıradı.

Derekler[redaktorlaw | derekti jańalaw]

  1. (unspecified title)
  2. .http://museum.kr.uz/karakalpak-artists/serekeev-bazarbaj-1942/