Erkin Qaraqalpaqstan
| Erkin Qaraqalpaqstan | |
|---|---|
| «Eldiń birligi hám abadanlıǵı ushın!» | |
| Túri | jámiyetlik-siyasiy |
| Kimge tiyisli | Qaraqalpaqstan Respublikası Joqarǵı Keńesi, Qaraqalpaqstan Respublikası Ministrler Keńesi |
| Tiykar salınǵan sáne | 1924-jılı dekabrden |
| Aldınǵı atı | «Birinshi adım» (1924-1928) «Erkin Qaraqalpaqstan» (1928) «Miynetkesh qaraqalpaq» (1928-1932) «Qızıl Qaraqalpaqstan» (1932-1957) «Sovet Karakalpakstani» (1957-1992) |
| Tili | qaraqalpaq tili |
| Tirajı | 2700 |
| Websayt | http://erkinkarakalpak.uz/ |
Erkin Qaraqalpaqstan — Qaraqalpaqstan Respublikası Joqarǵı Keńesi hám Ministrler Keńesiniń oraylıq basılımı[1].
Qaraqalpaq tilinde háptede 3 ret shıǵadı. Gazeta dáslep 1924-jılı dekabr ayında «Birinshi adım» atı menen baspadan shıǵarılǵan. Keyinirek «Erkin Qaraqalpaqstan» (1928-jıl), «Miynetkesh qaraqalpaq» (1928-1932-jıllar), «Qızıl Qaraqalpaqstan» (1932-1957-jıllar), «Sovet Karakalpakstani» (1957-1992-jıllar) atları menen járiyalanıp kelgen. 1992-jıldan berli házirgi atında qalǵan[2].
1975-jılda ol háptede bes márte 66 000 nusqada baaspadan shıqqan. 2007-jıl avgustta gazeta háptede úsh márte 2,7 mıń nusqada basılıp shıqqan. Tiykarınan jazılıw arqalı tarqatıladı[1].
1968-jılda «Húrmet belgisi» ordeni menene sıylıqlanǵan. 1994-jılda Ózbekstan Respublikasınıń Húrmet jarlıǵı menen sıylıqlanǵan[3]. Erkin Qaraqalpaqstan gazetasınıń házirgi bas redaktorı K. Reymov esaplanadı[4].
Bas redaktorları
[redaktorlaw | derekti redaktorlaw]Gazetaǵa túrli jıllarda A.Qudabaev, Q.Áwezov, J.Qurbanov, S.Májitov, K.Qudaybergenov, T.Qayıpbergenov, E.Murtazaev, Q.Begjanov, Q.Yusupov hám basqa da jurnalist, jazıwshılar redaktorlıq etken.
Gazeta óz betlerinde qaraqalpaq xalqınıń jasaw jaǵdayın, sociallıq-siyasiy, ruwxıy-aǵartıwshılıq qarasların sáwlelendiriwge háreket etedi, respublika xalıq xojalıǵınıń túrli tarawlarına baylanıslı mashqalalardı kóterip shıǵadı.
1994-jılı «Erkin Qaraqalpaqstan»nıń 70 jıllıǵı belgilendi. Onda gazeta ótken dáwirde Qaraqalpaqstan ómiriniń jılnamasına aynalǵanlıǵı haqqında sóz etildi. Nusqası 2553 (2002).
Derekler
[redaktorlaw | derekti redaktorlaw]- ↑ 1,0 1,1 Patriotizm po-karakalpakstanski — Arxiv
- ↑ Istoriya vozniknoveniya i razvitiya sredstv massovoy informatsii Karakalpakstana v 1930-1990 gg. (radioveщanie i televidenie)
- ↑ Ukaz Prezidenta Respubliki Uzbekistan ot 14 iyulya 1994 goda № UP-918 "O nagrajdenii Pochyotnoy gramotoy Respubliki Uzbekistan gazet „Yerkin Karakalpakstan“ i „Vesti Karakalpakstana“"
- ↑ Jurnalistlari ijodiy uyushmasi boshqaruvi raisi etib Saʼdulla Hakimov saylandi