Filipp, Edinburg gersogı
Shahzada Filipp, Edinburg gersogı | |
---|---|
inglisshe Prince Philip, Duke of Edinburgh | |
Ullı Britaniya shahzadası | |
Wákillik dáwiri 6-fevral 1952-jıl — 9-aprel 2021-jıl | |
Monarx | Elizaveta II |
Edinburg gersogı Merionet grafı Grinvich baronı | |
Wákillik dáwiri 20-noyabr 1947-jıl — 9-aprel 2021-jıl | |
Monarx |
Georg VI Elizaveta II |
Aldınǵı isker | Alfred |
Keyingi isker | shahzada Charlz |
Greciya hám Daniya shahzadası | |
Wákillik dáwiri 10-iyun 1921-jıl — 28-fevral 1947-jıl | |
Monarx |
Konstantin I Georg II |
Ullı Britaniyanıń Lord-joqarı admiralı | |
Wákillik dáwiri 10-iyun 2011-jıl — 9-aprel 2021-jıl | |
Keyingi isker | Elizaveta II |
Ullı Britaniya teńiz piyadaları korpusınıń general-kapitanı | |
Wákillik dáwiri 1-iyun 1953-jıl — 10-dekabr 2017-jıl | |
Monarx | Elizaveta II |
Aldınǵı isker | Georg VI |
Keyingi isker | Garri, Sasseks gersogı |
Jeke maǵlıwmatları | |
Tuwılǵandaǵı atı | inglisshe Prince Philip of Greece and Denmark |
Tuwılǵan sáne | 10-iyun 1921-jılı |
Tuwılǵan jeri | Mon-Repo, Korfu, Greciya |
Qaytıs bolǵan sáne | 9-aprel 2021-jılı (99 jasta) |
Qaytıs bolǵan jeri | Vindzorlar qorģanı, Ullı Britaniya |
Ómirlik joldası | Elizaveta II |
Balaları | Karl III Anna, Ullı Britaniya xanzadası Endryu, York gersogı Edvard, Edinburg gersogı |
Anası | Alisa Battenberg |
Ákesi | Daniyalıq hám grek Andrey |
Shahzada Filipp, Edinburg gersogı (inglisshe Prince Philip, Duke of Edinburgh, tuwılǵan waqtındaǵı atı Daniya hám Greciya shahzadası Filipp (inglisshe Prince Philip of Greece and Denmark), keyinrek Filipp Maunbetten (inglisshe Philip Mountbatten); 10-iyun 1921, Korfu, Greciya — 9-aprel 2021, Vindzorlar qorģanı, Ullı Britaniya) - Elizaveta II nıń kúyewı. 1952-jıl 6-fevraldan ólimine shekem Ullı Britaniyanıń shahzada-konsortı bolıp, onı dúnyadaǵı eń uzaq múddetli hám uzaq jas kórgen konsortģa aylantırdı.
Filipp Greciya Patshalıǵında grek hám datchan shańaraqlarında tuwılǵan; Shahzada bir yarım jasında shańaraq mámleketten shıǵarıp jiberilgen. 1939-jılda Germaniya, Franciya hám Ullı Britaniyada oqıǵanınan keyin, Ullı Britaniya áskeriy-teńiz flotı saplarına qosıldı. Sol jıldıń iyul ayında ol 1934-jılda tanısqan 13 jaslı Elizaveta menen jaqın baylanısda bolıwdı baslaydı. Ekinshi jáhán urısı dáwirinde Orta teńiz flotı hám Britaniya tınısh okeanı flotında xızmet etken.
1946-jıl jazında patsha Georg VI Filippke Elizaveta menen turmıs qurıwǵa ruxsat berdi hám 1947-jılda nekesı daǵaza etiliwinen aldın Filipp aldınǵı ataqlarınan paydalanıwdı toqtatdi hám anasınıń Mountbatten famılıyasın aldı. Toy kúni Filipģa Edinburg gersogı, Merionet grafı hám baron Grinvich ataqları berildi. 1952-jılda Elizaveta Ullı Britaniya xanzadası bolǵanında áskeriy xızmetti tark etdi. 1957-jılda oǵan Britaniya shahzadası ataǵı berildi. ELizaveta II menen nekede tórt perzent tuwıldı: Karl III, Anna, Ullı Britaniya xanzadası, Endryu, York gersogı hám Edvard, Edinburg gersogı.
Sport ıshqıpazı bolǵan shahzda Filipp arbalarni aydaw boyınsha jarıslardı shólkemlestiriwge eristi hám usınıń menen bul sport ıntızamın atta júriw sheńberinde rawajlandırıwǵa járdem berdi. Ol 780 nen artıq shólkemlerdiń qáwenderi, prezidenti yamasa aǵzası, sonday-aq pútkil dunya jabayı tábiyaat fondı hám 1956-jılda ózi kirgizgen Edinburg gersogı sıylıqınıń baslıǵı bolǵan[1]. Shahzada Filipp Britaniya Patshalıq shańaraǵınıń er adamlar arasında eń uzaq jas kórgen aǵzası, uzaq jas kóriwdiń ulıwma reytinginde ol Gloucester gersoginyası Elis (102 jıl jasaǵan) hám Xanzada-anası Elizaveta (101 jıl jasaǵan) den keyin úshinshi orında turadı[2]. 2017-jıl 2-avgustda, 96 jasında Filipp barlıq patshalıq wákilliklerin óz moynına aldı[3]. 2021-jıl 9-aprelde 99 jasında Vindzor qorǵanında opat etdi.
Derekler[redaktorlaw | derekti redaktorlaw]
- ↑ „The Duke of Edinburgh's Award“. The Royal Family. 18-iyun 2023-jılda túp nusqadan arxivlendi. Qaraldı: 17-iyun 2023-jıl.
- ↑ „Prince Philip was the oldest ever male member of the British royal family“. Metro UK (9-aprel 2021-jıl). 18-iyun 2023-jılda túp nusqadan arxivlendi. Qaraldı: 17-iyun 2023-jıl.
- ↑ „Prince Philip to retire from public duties at age of 96“. The Guardian (4-may 2017-jıl). 18-iyun 2023-jılda túp nusqadan arxivlendi. Qaraldı: 17-iyun 2023-jıl.