Mehrinoz Abbosova
Mehrinoz Nosirjon qızı Abbasova (Mehrinoz Abbosova) (1995-jıl 23-iyul, Chartaq rayonı, Namangan wálayatı)- ózbek shayırı. Xalıqaralıq jurnalist hám ádebiyattanıwshı. Respublikalıq jas dóretiwshiler keńesiniń birinshi baslıǵı (2017-2022). Ózbekstan jazıwshılar awqamı aǵzası (2018). Shuhrat medalı iyesi (2017). Zulfiya atındaǵı mámleketlik sıylıqtıń laureatı (2012). Shayırdıń "Men yoshlikman" (2011) hám "Yulduzrang qóshiqlar" (2014) atlı kitapları Ózbekstan jazıwshılar awqamı usınısı menen baspadan shıqtı. Házirde ol Ózbekstan Respublikası Jaslar isleri agentligi direktorınıń Mámleketlik til máseleleri boyınsha máslahatshı lawazımında islep kelmekte.
Mehrinoz Abbosova 2017-jılda Ózbekstan Prezidenti Shavkat Mirziyoyevtıń itibarına túsken hám student waqıtlarında jańadan shólkemlestirilgen Respublika jas dóretiwshiler keńesi baslıǵı lawazımına prezidenttiń usınısı menen tayınlanǵan. Onıń qol astında keńes tárepinen dóretiwshilerdi qollap-quwatlaw maqsetinde kóplegen forumlar, festivallar, kórik tańlawlar hám sociallıq joybarlar ótkerilgen. Házir bolsa birqansha úlken joybarlardı, atap aytqanda Wikistipendiya marafonınıń shólkemlestiriliwi hám ótkeriliwi barısında óziniń úlken úlesin qosıp kelmekte.
Biografiyası[redaktorlaw | derekti jańalaw]
Mehrinoz Abbosova 1995-jıl 23-iyulda Namangan wálayatı Chartaq rayonında tuwılǵan. Shańaraqta 3 perzenttiń kishisi. Mehrinoz ákesi Nosirjon Dehkanovtı óziniń dáslepki ustazı ekenligin aytıp, balalıǵın eslep sonday deydi[1]:
| “ | … Endi ańlasam, ákem balalıǵımnan pikirlerim, arzıwlarım, maqsetlerim menen esaplasqan. Ózime bolǵan isenimimdi kúsheytiwime sebepshi bolǵan. Hámme waqıt dúnyadaǵı eń jaqsı ákeniń, biyazar hám hadal adamnıń qızı ekenimnen maqtanaman[1]. | ” |
Mehrinoz Abbosovanıń balalıǵı Chartaq rayonı hám Namangan wálayatında ótken. Ol dáslep 2002-jılda rayonındaǵı 45-sanlı orta mektepte oqıp baslaǵan. 2004-jılda shańaraǵı Namanganǵa kóshkeninen keyin, qaladaǵı 57-sanlı orta mektepte (2004-2007), 57-sanlı qánigelestirilgen mektepte (2007-2011), 2011-jıldan baslap Namangan mámleketlik universiteti janındaǵı 2-sanlı akademiyalıq liceyde bilim alǵan. 4-klastan inglis tili kurslarında oqıǵan. Gimnastika oyın dógereklerine qatnasıp, muzika mekteplerinde fortopiano hám duwtar shertip úyrengen[1]. Tashkent medicina institutında oqıwdı, vrach bolıwdı hám bir kúni kelip Jáhán densawlıqtı saqlaw shólkeminde islep, pútkil dúnya boylap ekologiyalıq tárepten qolaysız zonalarda xalıqtı emlewdi arzıw etken[2].
Shayırlıqqa qızıǵıp, jaslıǵınan Namangannıń tanıqlı shayırları bolǵan Ziyoviddin Mansur, Ǵulomjon Akbarov hám basqalar menen jaqınnan tanısqan[2]. 2012-jılda bolsa, ádebiyat jónelisi boyınsha Zulfiya atındaǵı mámleketlik sıylıqtıń laureatı bolǵan. Shayırdıń "Men yoshlikman" (2011[3]) hám "Yulduzrang qoʻshiqlar" (2014) atlı kitapları Ózbekstan jazıwshılar awqamı usınısı menen baspadan shıqqan[4].
Shayır 2014-jılda Ózbekstan mámleketlik Jáhán tilleri universiteti Xalıqaralıq jurnalistika fakultetine oqıwǵa kiredi. 2017-jılda Kamalat jaslar social háreketiniń IV qurıltayında sózge shıǵıp, sol shıǵıwı arqasında Ózbekstan Prezidenti Shavkat Mirziyoyevtıń itibarına tústi. Prezidenttiń usınısı menen Mehrinoz Abbosova studentlik waqtınan baslap-aq, jańa shólkemlestirilgen Respublikalıq jas dóretiwshiler keńesiniń baslıǵı lawazımına tayınlanadı[5]. Keńes tárepinen dóretiwshilerdi qollap-quwatlaw maqsetinde Mehrinoz Abbosovanıń qol astında „Respublika yosh ijodkorlar forumi“, „Ózbekiston bahori“, „Samarqand she'r oqshomi“, „Toshkent ilhmlari“ festivalları; „Buyuklar biz bilan“, „Izhor“, „Duel“ tanlovlari; „Tarjimonlar haftaligi“, „Zomin jilǵalari“, anjumanları; „Orol odamlari“, „Cheksiz ijod-cheksiz imkon“ social joybarları ótkerildi. 2017-jılda Shuhrat medalı iyesi boldı[6][7].
2018-2020-jıllarda Alisher Nawayı atındaǵıTashkent mámleketlik ózbek tili hám universiteti Joqarı ádebiyat kursında magistraturanı tamamladı. 2018-jılda Ózbekstan jazıwshılar awqamı aǵzası boldı. 2022-jıl 11-fevraldan házirgi kúnge shekem Ózbekstan Respublikası jaslar isleri agentligi direktorınıń Mámleketlik til máseleleri boyınsha máslahatshisi lawazımında islep kelmekte[8][9].
Mehrinoz Abbosova Ózbekstan Respublikası Jaslar isleri agentliginde bir qansha úlken joybarlardı, atap aytqanda, WikiStipendiya marafonınıń shólkemlestiriliwi hám ótkeriliwinde óziniń úlken úlesin qosıp kelmekte. Ózbekstan Prezidenti Shavkat Mirziyoyev 2022-jıl 30-iyun Jaslar kúninde aytqan sózinde bul haqqında atap ótti hám sonday dedi[10][11]:
| “ | …Men házir ǵana ushırasqan Mehrinoz Abbosova basshılıǵındaǵı bir topar jaslar tárepinen dúnyadaǵı eń ataqlı elektron ensiklopediyası-Wikipediyaǵa10 mıńnan artıq ózbek tilindegi maqalalar jaylastırǵanlıǵın esitip quwandım[11]. | ” |
Shańaraǵı[redaktorlaw | derekti jańalaw]
Mehrinoz Abbasovanıń ómir joldası belgili ózbek blogeri hám siyasatshısı Xushnud Xudayberdiyev[12]. Olardıń Mustafo atlı balası bar[13].
Derekler[redaktorlaw | derekti jańalaw]
- ↑ 1,0 1,1 1,2 „Nonsiz qolsada “kontrakt” to‘lagan, loy ko‘chada qizini yelkasida ko‘tarib katta qilgan – otalar haqida to‘rt ta’sirli hikoya“. Oyina.uz (29-aprel 2022-jıl).
- ↑ 2,0 2,1 „В Намангане вышла первая книга юной поэтессы“. Uzinform.com (1-aprel 2012-jıl).
- ↑ „M. Abbosova. Men yoshlikman“. Ziyouz.com.
- ↑ „Mehrinoz Abbosova (1995)“. Ziyouz.uz (30-sentyabr 2020-jıl).
- ↑ „Prezident Zulfiya mukofoti sohibasini uyushmaga rais etib tayinladi“. Kun.uz (19-iyul 2017-jıl).
- ↑ „Mirziyoyev farmoni bilan bir guruh yoshlar mukofotlandi“. Kun.uz (26-avgust 2017-jıl).
- ↑ „Shavkat Mirziyoyev O‘zbekiston taraqqiyotiga munosib hissa qo‘shib kelayotgan yosh avlod vakillarini mukofotladi“. Daryo.uz (26-avgust 2017-jıl).
- ↑ „Abbosova Mehrinoz Nosirjon qizi“. Yoshlar.gov.uz. =2022-11-08da túp nusqadan arxivlendi.
- ↑ „Mehrinoz Abbosova Yoshlar ishlari agentligi rahbarining maslahatchisi etib tayinlandi“. Oyina.uz (14-fevral 2022-jıl).
- ↑ „Internetda o‘zbek milliy kontentini rivojlantirish dasturi amalga oshiriladi“. Xabar.uz (30-iyun 2022-jıl).
- ↑ 11,0 11,1 „Vikipediyada oʻzbek tilidagi maqolalarni koʻpaytirishga 10 mlrd soʻm ajratildi“. Oyina.uz (1-iyul 2022-jıl).
- ↑ „Xudoyberdiyev Xushnud Gʻayratovich haqida“. Malumot.ru (23-aprel 2021-jıl).
- ↑ „Mehrinoz Abbosova. Yangi she’rlar“. Kh-davron.uz (15-aprel 2020-jıl).