Qálender Ábdimuratov
| Qálender Ábdimuratov | |
|---|---|
| Tuwılǵan sánesi | 1922-jıl 5-may |
| Tuwılǵan jeri | Shımbay rayonı |
| Qaytıs bolǵan sánesi | 1989-jılı |
| Qaytıs bolǵan jeri | Nókis |
| Milleti | Qaraqalpaq |
| Ilimiy tarawı | Filologiya, til |
| Jumıs orınları | ÓzIA KF N.Dáwqaraev atındaǵı TTAI (1961-68); ÓzKP Qaraqalpaqstan obkomı (1968-75); ÓzIA KF N.Dáwqaraev atındaǵı TTAI (1961-68) |
| Bilim alǵan jeri | Shımbay peduchilishesi (1941) |
| Ilimiy dárejesi | Filologiya ilimleriniń kandidantı (1966), docent (1972) |
| Belgili tezis(ler)i | «Qaraqalpaqstan toponimikası» (1966) |
| Sıylıqları | «Qaraqalpaqstanda xızmet kórsetken mádeniyat xızmetkeri» (1972) |
Qálender Abdimuratov – 1922-jılı 5-mayda Shımbay rayonınıń Qıpshaq awılında tuwıldı.
1941-jılı Shımbay peduchilishesin pitkerip, sol rayonnıń mekteplerinde muǵallim bolıp isledi. 1942-1943-jılları Ullı watandarlıq urısqa qatnastı. 1943-jıl armiyadan qaytıp kelip, Shımbay rayonında mektep direktorı boldı. 1946-jılı Nókis Muǵallimler institutınıń rus tili hám ádebiyatı fakultetine kirip, onı 1948-jılı pitkerip hám 1948-1950-jılları Shımbay rayonınıń mekteplerinde muǵallim boldı. 1950-1960-jılları Nókiste partiyalıq jumıslarda isledi. 1961-1968-jılları ÓzIA KF N.Dáwqaraev atındaǵı TTAI sózlikler hám terminologiya sektorında úlken ilimiy xızmetker, 1968-75-jılları ÓzKP Qaraqalpaqstan obkomınıń lektorı bolıp isledi. 1975-89-jılları ÓzIA KF N.Dáwqaraev atındaǵı TTAI sózlikler hám terminologiya bóliminiń basqarıwshısı, sońınan úlken ilimiy xızmetker bolıp isledi.
Ilimpaz 1989-jılı Nókiste qaytıs boldı.
Ilimiy jolı
[redaktorlaw | derekti redaktorlaw]1966-jılı Tashkentte «Qaraqalpaqstan toponimikası» degen temada kandidantlıq dissertaciyasın jaqladı. 1972-jılı oǵan docent ataǵı berildi. Q.Ábdimuratov qaraqalpaq til biliminiń jańa tarawı bolǵan – toponimika máseleleri menen shuǵıllandı. 1972-jılı oǵan «Qaraqalpaqstanda xızmet kórsetken mádeniyat xızmetkeri» ataǵı berildi.
Miynetleri
[redaktorlaw | derekti redaktorlaw]- Неге усылай аталған? Нөкис,1965;
- Топонимика Каракалпакии. АКД. Нукус, 1966;
- Почему так названо? N., 1970.
Ádebiyatlar
[redaktorlaw | derekti redaktorlaw]- Бекбергенов А., Пахратдинов Қ. Қарақалпақ тилин изертлеўшилер. Биобиблиографиялық очерклер. —Нөкис, «Қарақалпақстан», 2000. 52 бет, ISBN 5-8272-0196-0