Qarao'zek

QARAQALPAQ WİKİPEDİASININ' MAG'LIWMATI
Jump to navigation Jump to search
Qaraózek
Xalqı sanı (2015)
 - Barlıg'ı 40 000 nan aslam

Qaraózek qala. Qaraqalpaqstan Respublikasındagı rayon. Qaraózek rayonı orayı. Xalqı sanı : 40,000 nan aslam (2015-jılǵı maǵlıwmatlarǵa qaraǵanda). Klimatı : keskin kontinental. Qaraózek rayonı - Arqadan Moynaq, Batısdan Shımbay, Kegeyli, Nókis rayonları, Qubla ham shıǵıstan Ámiwdárya, Beruniy rayonları, shıǵıstan Taxtakópir rayonı menen shegaralas. Maydanı. 5,9 mın' km2. Rayonda 1 qala (Qaraózek), 8 awıl puqaralar jıyını (Mádeniyat, Berdaq, Esimózek, Alǵabas, Qarabuǵa, Qarakól, Qaraózek, Qoybaq) bar. Rayon orayı — Qoraózek qalası. Tabiyatı. Jer júzesı, tekislik. Rayonınıń arqa shıǵıs bólegin Beltaw qırlarınıń qumlıqları, qubla jaǵında úlken Aymaqtı Tasquduq qumlıqları iyelegen. Awıl xojalıǵı eginlerinen tiykarınan paxta, salı hám biyday eginleri egiledi. 1928-jılı 16-oktyabrde Qaraózek rayonı jańadan dúziledi. Zayir posyolkası qaptalınan aǵıp ótetuǵın ózektiń boyınan rayon orayın salıw jobalastırılǵan hám rayon usı ózektiń atı menen Qaraózek dep atalǵan. 1957-jıldıń avgust hám sentyabr aylarında Qaraózek rayonı aymaǵınan mayda Qarakól (Калинин), Qarshıǵalı (Москва), 1964-jılı "Mádeniyat" ha'm "Qaraózek", 1975-jılı Kegeyli rayonındaǵı "Qaraqalpaqstannın' 40 jıllıǵı" sovxozları jańadan shólkemlestirildi hám rayon aymaǵına kirgizildi. Qaraózek rayonınan ilimpazlardan Sabir Kamalov, Allayar Dosnazarov, shayırlardan Tilewbergen Mátmuratov, Tolıbay Qabulovlar, jazıwshıdan Sarıgúl Baxadirova, qosıqshılardan Qaraqalpaqstan xalıq artisti Ótebay Temirxanov, jas talant iyelerinen Baxadır Razımbetov, hám de Lepes Nurqasimov, palwanlardan Ernazar shoyınshı menen Ómirbek Aytimovlar jetilisip shıqqan. Qaraózekten Nókis qalasına shekemgi aralıq 72 km. Rayonda Paxta tazalaw, gerbish zavodları, qurılıs shólkemleri, 2 avtokárxana, MTP, sawda dúkanları, mádeniy hám turmıslıq xizmetlerdi kórsetiw shaxabshaları bar. Kishi biznes kárxanaları, mikrofirmalar xizmet kórsetedi. Rayonda 32 ulıwma orta bilim mektebi, 1 jas óspirimler sport mektebi, 1 balalar muzıka mektepleri, 1 pánlerdi tereń oqıtıwǵa qániygellestirilgen mektep, 3 kásip-óner kólledji, mádeniyat úyleri, hám kitapxanalar bar. Oraylıq emlewxana, poliklinika, dárixana hám basqa da meditcinalıq shaqapshalar xalıqqa xizmet kórsetedi. Qaraózek rayonınan eń alǵa mekteplerden 16-mektep (qaraózek rayonı), 1-mektep, 2-mektep, hám 28-mekteplerdi atap aytıw orınlı. Jáne de Qaraózekten Nókis qalasına shekem avtobus hám marshrutlı ta'ksiler qatnaydı. Rayonda 2 hásiretli ana háykeli, 1 fontan, hám 2 fudbol stadionlari bar. Bul maqala Temur Nuranov tárepinen tayarlandı.