Rashit Xojasov

Rashit Xojasov
Ulıwma maǵlıwmatlar
Tuwılǵan sáne	12-sentyabr 1985(1985-09-12)
Qaytıs bolǵan sáne	26-noyabr 2013(2013-11-26) (28 jasta)
Milleti	qaraqalpaq
Oqıǵan jeri	Ájiniyaz atındaǵı NMPI (2009)
Bilimi	Joqarı
Universitet	Ájiniyaz atındaǵı NMPI (2009)

Rashid Xojasov (Рашит Хожасов; 1985-jıl 12-sentyabr, Nókis qalası — 2013-jıl 26-noyabr, Nókis qalası) — qaraqalpaq estrada qosıqshısı. Qaraqalpaqstan Respublikasına xızmet kórsetken artist, «Nihol» sıylıǵınıń laureatı.

Ómir jolı

R.Xojasov 1985-jılı 12-sentyabr kúni Nókis qalasında tuwıladı. Ol mektepti pitkergennen soń Nókis mádeniyat hám kórkem-óner kolledjiniń akademiyalıq vokal bóliminde ustazları M.Xojaniyazov hám A.Qallievlardan tálim aladı. Soń 2009-jılı Ájiniyaz atındaǵı NMPIdiń «Muzıkalıq tálim» qánigeligine oqıwǵa túsedi.

Ólimi

2012-jıl 24-noyabr kúni jas talant iyesi R.Xojasov kóz jumadı.

Dóretiwshilik jolı

Ol óziniń jaǵımlı hawazı, bay milliy ırǵaǵı menen xalıq namaların hám basqa zamanagóy qosıqlardı da shıraylı etip kámine keltirip aytatuǵın ózgeshe qosıqshı edi. Onıń dáslepki qosıǵı «Jaman balasań» dep atalıp, bunnan basqa da «Gúlbanıw», «Aygúlim», «Netermen», «Dúnya», «Kútiw», «Súyiklim», «Anajanım», «Ańlattıń maǵan» sıyaqlı qosıqlar xalıqtıń júreginen orın aldı.

Jetiskenligi

Ol 2008-jılı «Nihol» sıyıǵınıń laureatı bolıp, usı jılı «Men ashıq bolǵanımda» atlı koncertin xalıqqa inám etti.

R. Xojasov jeke dóretiwshiligi menen birge Ózbekstan Respublikası mádeniyat hám sport isleri ministrliginiń kórkem dóretiwshilik toparı birlespesiniń Qaraqalpaqstan bólimi «Xalıq sazları orkestri» qosıqshısı bolıp ta isledi.

Ol 2012-jılı Qaraqalpaqstan Respublikasına xızmet kórsetken artist ataǵı menen sıylıqlandı.

Atın mángilestiriw

Onıń atın hám dóretiwshiligin xalıg arasında máńgilestiriw maqsetinde esteligine baǵıshlap tańlaw shólkemlestirildi.

Qaraqalpaq mádeniyatında milliy estrada janrında iygilikti xızmet etip, ózleriniń repertuarları menen xalıq kewillerinen orın iyelep kiyatırǵan bir topar belgili jas talant iyelerinen Qaraqalpaqstanǵa xızmet kórsetken artistler Jamila Bekbergenova, Ázima Úsenova, Muhabbat Nurjanova, Salamat Qállibekov, Baxtıyar Jumataev, Bayram Perdebaev, Radjiv Atajanov, Gúlnigar Sapaeva, Miraddin Abdullaev, «Nihol» sıylıǵınıń laureatları Gúlnaz Ótepova, Qayrat Bekchanovlardı aytıp ótiw orınlı.

Ádebiyatlar

• Nadırova A. Qaraqalpaq muzıka tariyxı. –Tashkent, «Sano-standart» baspası, 2018, 384 bet. ISBN 978-9943-5335-2-3

Sırtqı siltemeler

• Rashit Xojasov qosıqların tıńlaw
• Spotify