Tashkent qalasındaǵı Webster universiteti

Wikipedia, erkin enciklopediya

Tashkent qalasındaǵı Webster universiteti — AQSHtıń Missuri shtatınıń Webster Groves qalasındaǵı tiykarǵı kampusına iye, akkreditatsiyadan ótken jeke universitet. Universitet Oraylıq Aziyada óz filialın ashqan birinshi Amerika universiteti esaplanadı. Tashkent qalasında Webster universiteti filialın shólkemlestiriwden tiykarǵı maqseti aktiv hám jetekshi studentlerdi tayarlawǵa qaratılǵan joqarı sapalı tálim tájiriybesin támiyinlewden ibarat.

Kampusları[redaktorlaw | derekti jańalaw]

Universitettiń xalıqaralıq kampusları Evropanıń bir qansha mámleketlerinde, sonday-aq, Shvetsariya, Avstriya, Gruziya hám Gollandiyada jaylasqan ; Tailand, Gana hám Qıtay sıyaqlı Aziya hám Afrika mámleketlerinde de filiallar bar. Universitettiń Oraylıq Aziyadaǵı birden-bir filialı Tashkent qalasında ashılǵan bolıp, 2018—2019 -oqıw jılında óz iskerligin basladı. [1]. 2019 -jıl avgust ayında Tashkent qalasındaǵı Webster universiteti Alisher Nawayı shax kóshesi mánzilinde rekonstrukciya etilgen imaratqa kóshti.

Tashkenttegi Webster universitetiniń sırtqı kórinisi. 2021

Tariyxı[redaktorlaw | derekti jańalaw]

Tashkent qalasındaǵı Webster universiteti Ózbekstan Prezidentiniń 2019 -jıl 20 -marttaǵı PQ-4245-sanlı sheshimine muwapıq Joqarı hám orta arnawlı bilimlendiriw Ministirligi hám de Webster universiteti - shólkemlestiriwshileri sherikliginde " Tashkent qalasında Webster universitetiniń tálim programmaların ámelge asırıw orayı" dúzildi[2].

Bar bolǵan tálim dástúrleri[redaktorlaw | derekti jańalaw]

Tashkent qalasındaǵı Webster universiteti tómendegi jónelisler boyınsha bakalavriat tálim dástúrlerin usınıs etedi[3]:

  1. Bachelor of Science ın Business Admınıstration — bunda pitkeriwshiler óz bizneslerin basqarıwı, kompaniyalarda basqarıw lawazımların iyelewleri hám joybarlardı basqarıwları múmkin. Studentler biznesde keń tarqalǵan túrli mashqalalardi sheshiw ushın analitik qurallar hám processlerden paydalanadı ;
  2. Bachelor of Arts ın Economics — bunda pitkeriwshiler bank, finans, qamsızlandırıw, mámleket sektorlarında jumıs tabıwları múmkin. Studentler resursların islep shıǵarıw, bólistiriw hám tutınıwdı belgileytuǵın faktorlardı úyrenedi. Olar siyasat ózgerisleriniń ekonomikaǵa qanday tásir etiwin túsinedi, global ekonomika boyınsha kúshli bilim menen birge analitik pikirlewdi rawajlantıradı
  3. Bachelor of Arts ın Media Studies — bunda pitkeriwshiler kommunikaciya zárúr bolǵan hár qanday orında — iri kompaniyalarda marketing bólimlerinde, baspasóz xızmetlerinde, ǵalaba xabar qurallarında, reklama agentliklerinde islewleri múmkin. Websterde studentler jámiyetshilik penen baylanıslarǵa strategiyalıq jantasıw, maqsetli kontent jaratıw hám informaciyanı sın kózqarastan analiz qılıw menen baylanıslı kónlikpelerge iye boladı ;
  4. Bachelor of Arts ın International Relations — bunda pitkeriwshileri xalıqaralıq shólkemlerde, iri kompaniyalarda islew ilmiy tájriybesine iye boladı. Studentler xalıqaralıq basqarıw institutları ortasındaǵı quramalı múnásibetlerdi úyrenedi, jáhán mámleketleri hám xalıqaralıq birlespelerdiń ishki hám sırtqı siyasatına tásir etiwshi huqıqıy, tariyxıy, sociallıq-ekonomikalıq hám siyasiy faktorlardı analiz etedi; Webster studentleri, sonıń menen birge, jáhán jámiyetshiliginiń dinamikası, strukturalıq qásiyetleri hám gumanitar máselelerin úyrenedi;
  5. Bachelor of Education Studies — bul programma keń kólemli tálim kontekstlerinde oqıtıwǵa qaratılǵan. Bunda oqıw programmaları, úyreniw hám tálim ilajların islep shıǵıw hám ámelge asırıwda global qamraw, pán hám texnologiya, sonıń menen birge, jergilikli jámiyetshiliktiń zárúrligine pát qaratadı. Bul bakalavriat programması studentlerge zamanagóy, globallasqan shárayatlarda oqıtıw ushın zárúr bolǵan keń kólemli qurallardı usınıs etedi. BEd qánigelikleri túrli oqıwshılardıń talap hám mútajliklerine múnásip oqıtıwshılarǵa aylanadı.
  6. Bachelor of Science ın Management Information Systems — bul bakalavr dárejesi texnologiya hám biznes túsiniklerin birlestiredi, studentlerge IT menen baylanıslı bar hám keleshektegi biznes máselelerin sheshiw ushın zárúr bolǵan bilim hám kónlikpelerdi qáliplestiredi.

Tómendegi magistratura qánigelikleri de usınıs etiledi[4]:

  1. Master of Business Administration (MBA);
  2. Education and Innovation (MA);
  3. Teaching English to Speakers of Other Languages (MA TESOL) + TESOL Certificate.

Oqıtıw sisteması[redaktorlaw | derekti jańalaw]

Universitet tálim proceslerine Tashkent qalasındaǵı Webster universiteti rektorı Vassilis Polimenis basshılıq qıladı[5]. Universitette búgingi kúnde bakalavriat hám magistratura tálim dárejesinde 4000 ǵa jaqın student bilim almaqta[6].

Vassilis Polimenis. Webster Universiteti rektori
Vassilis Polimenis. Tashkent qalasındaǵı Webster universiteti rektorı

Filial jılına eki ret studentlerdi qabıl etedi. Sol tártipte, qabıl etilgen gruppalar avgust yamasa yanvar ayında oqıwdı baslaydı.

Oqıtıw sisteması CANvAS elektron tálim platforması tiykarında ámelge asırıladı. Bul elektron tálim platforması kompyuter hám mobil uyalı baylanıs telefonlarına júklengen halda, úy wazıypası hám tapsırmalardı júklew, pánlerdiń onlayn talqılawında qatnasıw, alınǵan bilimlerdi bekkemlew ushın onlayn testlerdi orınlaw hám oqıtıwshı menen tikkeley onlayn baylanıs qılıw imkaniyatın beredi.

Imarat[redaktorlaw | derekti jańalaw]

Tashkent qalasındaǵı Webster universiteti ashılǵan dáwirden baslap paytaxt orayındaǵı tariyxıy imaratta jaylasqan bolıp, Respublika Joqarı tálimi salasında xalıqaralıq sheriklikti rawajlandırıwda sadıqlıq tımsalına aylandı. Sonıń menen birge, 2020 -jılda da Joqarı hám orta arnawlı bilimlendiriw Ministirligi Websterga qońsılas jay hám jer ajıratdi. Studentler hám sırt ellik oqıtıwshılar ushın jataqxana, qosımsha oqıw xanalar, informaciya laboratoriyaları, video hám audio programmaların jazıw studiyaları dúzildi. Arqa bınada studentler ushın sport zalı hám awqatlanıw zonaları islengen.

Informaciya resurs orayı[redaktorlaw | derekti jańalaw]

Informaciya resurs orayı (e-library) 30 orınlı elektron kitapxana esaplanadı. Informaciya resurs orayı studentlerge Sent-Luisdagi oraylıq kitapxanadan paydalanıw, xalıqaralıq ilimiy-texnikalıq maǵlıwmatlar hám 5690 nan artıq elektron sabaqlıq hám de ádebiyatlar bazasına kirisiw imkaniyatın beredi.

Alumnı[redaktorlaw | derekti jańalaw]

  • Eldor Sattarov — „Kings Academy“ oqıw orayı tiykarshısı
  • Saodat Tadjibaeva — MA TESOL instruktor
  • Kámal Abdurahmonov — „Golden Years“ oqıw orayı tiykarshısı
  • Pıruza Tuychiyeva — „Canadian School of Tashkent“ mektep direktor orınbasarı
  • Eldor Nabiyev — Tashkent qalasındaǵı Ximiya xalıq aralıq universiteti dekan orınbasarı
  • Munisa Muxtarova — Akfa universiteti dekanı
  • Sanjar Djalalov — „Sam IELTS“ oqıw orayı tiykarshısı
  • Indira Abdullaeva — „IT KIDS“ oqıw orayı tiykarshısı, Ózbekstan biznes jetekshileri grantı (UBL) jeńimpazası

Atletika[redaktorlaw | derekti jańalaw]

Webster universitetiniń atletik talisması Gorlok bolıp, mekteptiń Webster Grovesdaǵı Gore hám Lockwood avenyuları búrsheginde jaylasqanı húrmetine usınday atalǵan.

Jáne qarań[redaktorlaw | derekti jańalaw]

  • Ózbekstanda tálim
  • Webster Universiteti
  • Jeke universitetler

Derekler[redaktorlaw | derekti jańalaw]

  1. ↑ „Tahkent hosts Webster university’s oficcial opening ceremony“.
  2. ↑ „TOSHKENT SHAHRIDA VEBSTER UNIVERSITETINING TA’LIM DASTURLARINI AMALGA OSHIRISH MARKAZINI TASHKIL ETISH TO‘G‘RISIDA“.
  3. ↑ „Bachelor’s Degree Programs“.
  4. ↑ „Master’s Degree Programs“.
  5. ↑ „Vassilis Polimenis Named Director of Webster University Tashkent“.
  6. ↑ „Webster University Tashkent Achieves Record Enrollment Growth“.

Siltemeler[redaktorlaw | derekti jańalaw]

"https://kaa.wikipedia.org/w/index.php?title=Tashkent_qalasındaǵı_Webster_universiteti&oldid=76743" saytınan alınǵan