Tetum tili
Tetum tili yaki Tetun tili (inglisshe Tetum language, russha Тетунский (тетумский) язык) — avstroneziya tilleri shańaraǵına kiriwshi til. Tetum xalqınıń sóylew tili hám Shıǵıs Timordıń eki rásmiy tillerinen biri. Tetum tiliniń ayırım dialektlerinde mámlekettiń ekinshi rásmiy tili bolǵan portugal tiliniń sezilerli dárejede tásiri bar. Bul tásir, ásirese, sózlik hám grammatikanıń geypara táreplerinde ayqın bilinedi.
Etimologiya[redaktorlaw | derekti jańalaw]
"Tetum" termininiń aqırında "-m" menen jazılıwı portugal tili orfografiyasına barıp taqaladı [1]. Sebebi tetumlardıń ózinde bul sóz aqırında "-n" menen jazıladı[2]. Usınıń sebebinen geyparalar "tetun tili" variantın paydalanǵan durıs dep esaplaydı. Aqırında "-n" menen jazılatuǵın forması bul tildiń ayırım sóylewshileri tárepinen qollanıladı (mısalı, Xose Ramos-Xorta hámde Karlos Felipe Ximenes Belo) hám indonez tili orfografiyası menen birdey. Biraq, terminniń "-m" menen jazılıw orfografiyasınan paydalanıw kóbirek dástúrge aylanǵan.