Zond atawları
Zond atawları (malay hám indon. - Kepulauan Sunda, ingl. - Sunda Islands) — Qubla-Shıǵıs Aziyadaǵı Malakka yarım atawı hám Jańa Gvineya aralıǵında jaylasqan, Hind okeanı hám Tınısh okeanı menen oralǵan keń jayılǵan arxipelag. Onıń ataması Yava atawında jasawshı sunda xalqınıń atınan alınǵan.
Arxipelag bir neshe kútá úlken atawlardan hám mıńlaǵan kishi atawlardan ibarat. Atawlardıń kópshiligi Indoneziyaǵa, Kalimantan atawınıń arqa bólegi Malayziyaǵa, kishi bólegi Bruney mámleketine tiyisli. Házirde 63 kishi atawlardı Singapur mámleketi iyelegen. Timor atawınıń bir bólegi 2002-jıldan beri ǵárezsiz Shıǵıs Timor mámleketine qaraslı.