Begis Temirbaev
 | |
| Ulıwma maǵlıwmatlar | |
|---|---|
| Tuwılǵan sánesi | 29-iyun 1978 (46 jasta) |
| Janr | |
| Sayt | Official site |
| Tuwılǵan sánesi | 29-iyun 1978 (46 jasta) |
|---|
 |
Wikiqoymada Begis Temirbaev haqqında kategoriya bar |
Begis Temirbaev (tolıq atı Temirbaev Begis Jumabaevich[1][2][3][4][5][6]) — 1978-jılı 29-iyun kúni Qaraqalpaqstan Respublikası Qońırat rayonında tuwılǵan. Qaraqalpaqstan Respublikasında xızmet kórsetken artist (2009-jıl), Bashqurtstan Respublikası xalıq artisti (2024-jıl).
Ómirbayanı
[redaktorlaw | derekti redaktorlaw]Qońırat rayonındaǵı xalıq muzıkası klasındaǵı muzıka mektepti pitkergen. Pitkergennen keyin J. Shamuratov atındaǵı Nókis Mámleketlik kórkem-óner bilim jurtına oqıwǵa kiredi.
1997-jılda mektepti tamamlaǵan. Qońırat rayonında mádeniyat úyi, muzıkashı, qosıqshı bolıp islegen. "Miyras" toparında túrli ilajlarda qatnasıp, óz qosıqların atqarıp kelgen. Hár túrli tańlawlarda qatnasqan. 2000-jıl Tashkentte Qaraqalpaq mádeniyatı kúnleri A. Nawayı akademikalıq teatrında ótkerilip, onda Qaraqalpaqstan Respublikası Joqarı Sovetiniń eń húrmetli jarlıǵı menen sıylıqlanadı.
2001-jıl Berdaq atındaǵı Qaraqalpaq mámleket universitetine oqıwǵa kirip, (muzıka tálimi fakulteti), 2005-jılı tamamlaǵan.
2005—2007-jıllar dawamında Berdaq atındaǵı Qaraqalpaq universitetinde magistraturada oqıǵan. Pitkergennen keyin tap sol universitette 2011-jılǵa shekem isleydi.
2009-jılda "Qaraqalpaqstan Respublikasında xızmet kórsetken artist" sıylıǵına iye bolǵan".
2011—2014-jıllarda Qaraqalpaqstan Respublikası mádeniyat ministrligi janındaǵı "Gúlzar" folklor ansamblı basshısı bolıp islegen.
2014—2017-jıllarda "Ayqulash juldızları" milliy folklor ansamblında vokalshı bolıp islegen"
2016-jılı — "Ózbekstan ǵárezsizligine 25 jıl" kókirek nıshanı menen sıylıqlanadı[7]
2017—2019-jıllarda "Ózbek konserti" mámleketlik shólkemi basshısı" bolıp, kóplegen koncertler hám tańlawlar ótkeriledi.[8]
2019-jıldan baslap Ózbekstan Respublikası filarmoniya mámleketinde Qaraqalpaqstan Respublikası bóliminde vokalshı, qosıqshı bolıp isleydi.
2020-jılda (inglisshe Rakhmonov Entertainment) kompaniyası menen shártnamaǵa qol qoyadı.
2023-jıldıń sentyabr ayında Qaraqalpaqstan Respublikası Mádeniyat ministri lawazımına tayınlandı. Bul haqqında Qaraqalpaqstan Respublikası Joqarǵı Keńesiniń Baslıǵı mádeniyat hám kórkem-óner tarawı xızmetkerleri menen bolǵan ushırasıwda málim etti. B. Temirbaev buǵan shekem "Ayqulash" qaraqalpaq mámleketlik milliy folklor ansambliniń direktorı lawazımında islep kelgen[9].
2024-jılı 22-24-avgust kúnleri Bashqurtstanda bolıp ótken "Gúz romantikası" II xalıqaralıq klassikalıq muzıka festivalında Begis Temirbaevqa "Bashqurtstan Respublikası xalıq artisti" ataǵı berildi.
Dóretiwshiligi
[redaktorlaw | derekti redaktorlaw]Ol xalıq qosıqların estrada jónelisine salıp hám olardı atqarıwda baqsı jolların tutıp, milliy estradanıń rawajlanıwına úles qosıp kiyatırǵan qosıqshılardın biri. Mısalı, qaraqalpaq xalıq qosıqlarınan «Láy-láy», «Dad álińnen», «Qızlar úyge kir», «Xoshaddes», «Ala qayıs», avtorlıq qosıqlardan Q.Záretdinov namasına «Bul jer ele zor boladı», «Amiwdárya», N.Muxammetdinov namasına «Bir awız sóz súyemen», «Watan topıraǵı», «Muhabbat», «Yosh», Q.Xilalov namasına «Ózbekstan», «Ókinbe, janım», «Appaq qar», A. Paxratdinov namalarına «Qaraqalpaǵım», «Qálbimdegi qız» h.t.b. qosıqların atqarıp kelmekte. Sonday-aq, 2007-jıl 21—22-may Berdaq atındaǵı Mámleketlik muzıkalı akademiyalıq teatrında "Yosh" atlı dáslepki jeke atqarıwshı konsertin ótkeredi. 2016-jılı Begis Temirbaev, "Navo" telekanalı arqalı efirge kórsetilgen "Navo shou" kórsetiwinde qatnasadı.[10] Onıń dóretiwshilik jıllarında (ózbekshe "Шарх Тароналари"[11], (ózbekshe Маком) sıyaqlı kóplegen ilajlarda, koncert hám festivallarda qatnasqan. Qazaqstan, Rossiya, Belgiya, Frantsiya, Lyuksemburg, Niderlandiya hám Qıtay sıyaqlı shet el mámleketlerinde de dóretiwshiligin kórsetti.
Derekler
[redaktorlaw | derekti redaktorlaw]- ↑ Begis Temirbaev haqqında 15 haqıyqat
- ↑ Begis Temirbaev ózbek estrada juldızları menen
- ↑ Begis Temirbaev perzentlerin korsetti
- ↑ Begis Temirbaev perzentleri menen bir kórsetiwgr qatnastı
- ↑ Begis Temirbaev onı qaysı qosıq tanimali etkenin ayttı
- ↑ " Úy quryapman, bar tapqanım soǵan ketip atır". Begis Temirbaev ijoddagi tánepis haqqında
- ↑ Begis Temirbaev "Ózbekstan ǵárezsizligine 25 jıl" eskertkishlik nıshanı menen táǵdirlanishdi
- ↑ Begis Temirbaev " Ózbekkontsert" mámleket shólkemi Qaraqalpaqstan Respublikası bólimi direktorı etip tayınlandi
- ↑ „joqargikenes.uz - Qaraqalpaqstan Respublikası Joqarǵı Keńesiniń Baslıǵı Amanbay Orınbaev mádeniyat hám kórkem óner tarawı xızmetkerleri menen jaqınnan pikirlesti“. 24-avgust 2024da túp nusqadan arxivlendi.
- ↑ Qaraqalpaq estrada juldızları " Navo shou" de
- ↑ Samarqandda "Шарх Тароналари" XI xalıq aralıq muzıka festivali bolıp o'tmoqda.
Ádebiyatlar
[redaktorlaw | derekti redaktorlaw]- Nadırova A. Qaraqalpaq muzıka tariyxı. –Tashkent, «Sano-standart» baspası, 2018, 384 bet. ISBN 978-9943-5335-2-3