James A. Robinson
| Jeyms Alan Robinson | |
|---|---|
| inglisshe James Alan Robinson | |
_(cropped).jpg) Robinson, 2018 | |
| Tuwılǵan sánesi | 27-fevral 1960 (65 jasta) |
| Tuwılǵan jeri | Ullı Britaniya |
| Puqaralıǵı | Ullı Britaniya AQSh |
| Ilimiy tarawı | ekonomikalıq teoriya |
| Bilim alǵan jeri | London ekonomika mektebi Warwick universiteti |
| Ilimiy basshısı | Truman Bewley |
| Sıylıqları | Ekonomika boyınsha Nobel sıylıǵı (2024) |
| Sayt | voices.uchicago.edu/jamesrobinson |
James Alan Robinson (aytılıwı: Jeyms Alan Robinson; 1960-jıl 27-fevral) — britaniyalıq ekonomist hám sociolog bolıp, 2015-jıldan Chikago universitetiniń Harris atındaǵı jámiyetlik sociologiya mektebi professorı[1], sonıń menen birge, mekteptiń global waqıyalardı úyreniw hám sheshiw boyınsha Pearson institutınıń direktorı bolıp tabıladı[2]. 2004—2015-jıllarda Harvard universitetinde sabaq bergen, bunnan tısqarı Kaliforniya, Qubla Kaliforniya hám Melburn universitetlerinde de jumıs alıp barǵan[3].
Ol tiykarlanıp salıstırıw-ekonomikalıq analiz hám uzaq dáwirlerdegi sociallıq ráwajlanıw, atap aytqanda, Qubla Amerika hám Qubla Sahrai Kabirdegi processler boyınsha izertlewler alıp baradı. Daron Acemoglu (aytılıwı: Daron Ajemóǵli) menen teń avtorlıqda «Diktatura hám demokratiyanıń ekonomikalıq derekleri» (2006), «Mámleketler páseńlewi sebepleri» (2012) hám «Tar koridor» (2019 ) sıyaqlı kitaplardı da jazǵan[4].
Ómirbayanı
[redaktorlaw | derekti redaktorlaw]Robinson 1960-jıl 27-fevralda Ullı Britaniyada tuwılǵan alim hám ekonomist. Dáslep London School Economics (awdarması «London ekonomikalıq hám siyasiy pánler mektebi») de (BSc, 1982), keyin Uorik universiteti (magistr, 1986), Yel universitetinde (PhD, 1993) ekonomikanı úyrengen. 1992—1995-jıllarda bolsa Melbrun universitetinde sabaq bergen, 1995—1999-jıllarda Qubla Kaliforniya universitetinde assistent-professor, 1999—2004-jılları Berklidaǵı Kaliforniya universitetinde daslep assistent-professor, 2001-jıldan bolsa dotsent (associate professor ) bolıp islegen[5]. 2004-jılda Harvard universiteti mámleket basqarıw kafedrası professorı bolǵan. 2015-jıl 1-iyuldan Chikago universitetiniń Harris atındaǵı jámiyetlik siyasatı mektebi professorı retinde jumis alib baradı. Mongoliyaǵa birinshi saparı waqtında alım yaǵnıy, 2016-jıl 9-mayda Mongoliya Milliy universiteti tárepinen eń húrmetli doktor ataǵı menen sıylıqlanǵan[6].
Derekler
[redaktorlaw | derekti redaktorlaw]- ↑ https://harris.uchicago.edu/news-events/news/james-robinson-named-faculty-director-pearson-institute
- ↑ https://harris.uchicago.edu/directory/james-robinson
- ↑ https://thepearsoninstitute.org/about/leadership
- ↑ https://cpb-us-w2.wpmucdn.com/voices.uchicago.edu/dist/f/1135/files/2018/06/robinson_cv_august_2016-23rvepr.pdf
- ↑ https://news.uchicago.edu/story/james-robinson-appointed-university-professor-chicago-harris
- ↑ https://web.archive.org/web/20170716153725/http://www.mongolianeconomy.mn/mn/i/8965