Kontentke ótiw

Qállibek Kamalov

Wikipedia — erkin enciklopediya
Qállibek Kamalov
 Qaraqalpaqstan Qaraqalpaqstan Kompartiyası 1-xatkeri
Wákillik dáwiri
1963-jıl — 1984-jıl
 Qaraqalpaqstan ASSR Ministrler soveti baslıǵı
Wákillik dáwiri
1959-jıl — 1963-jıl
Jeke maǵlıwmatları
Tuwılǵan sáne18-mart 1926-jılı(1926-03-18) (100 jasta)
Tuwılǵan jeri QQASSR,  ÓzSSR,  SSRA
Qaytıs bolǵan sáne11-fevral 2026(2026-02-11)[1] (99 jasta)
Puqaralıǵı Ózbekstan
Milletiqaraqalpaq
Tálim ornıQMU
Sıylıqları
«Miynette erlik kórsetkeni ushın (Áskeriy erligi ushın) yubiley medalı. Vladimir Ilich Lenin tuwılǵanınıń 100 jıllıǵına baǵıshlanıp shólkemlestirilgen»

Qállibek Kamalov (Қәллибек Камалов; 1926-jıl 18-mart, Qaraqalpaq Avtonom wálayatı, Qazaq ASSR, RSFSR, SSRA — 2026-jıl 11-fevral) — Qaraqalpaqstan mámleketlik ǵayratkeri, Ózbekstan Kompartiyası Qaraqalpaqstan wálayatlıq komitetiniń birinshi sekretarı (1963—1984).

Ómiri

Milleti — qaraqalpaq. 1947-jılda Qaraqalpaq oqıtıwshılar institutın tamamlaǵan. 1955-jılda Qaraqalpaqstan pedagogika institutın (sırttan) pitkergen.

1946-jıldan KPSS aǵzası. 1971—1986-jıllarda Oraylıq Komitet aǵzalıǵına kandidat boladı. KPSS XXII[2] hám XXVI[3] qurıltaylarında delegat bolǵan. 6—11-shaqırıqlar SSSR Joqarı Keńesi deputatı: Qaraqalpaqstan Muxtar Sovet Sotsialistik Respublikası (6-shaqırıq, 1962-1966[4]) hám Ózbekstan SSR (7—9 -shaqırıqlar, 1966—1979 ) Milletler Keńesi deputatı[5][6][7]), Qaraqalpaqstan Avtonom Sovet Sotsialistik Respublikasınan Awqam Keńesi (10—11-shaqırıq, 1979-jıl mart — 1984-jıl mart, 1984-jıl mart — noyabr[8][9]). 1984-jıl 16-noyabrde SSSR Joqarı Keńesi Prezidiumınıń pármanı menen Kamalovtıń deputatlıq kepillikleri olardı ámelge asırıwǵa tosqınlıq qılıp atırǵan jaǵdaylar sebepli demalısqa shıǵıw haqqındaǵı jeke arzası sebepli múddetinen aldın tamamlanıldı. Ol 1987-jılda «paxta isi»ne aralasqan[10]. SSSR Prezidentiniń 1990-jıl 15-iyundaǵı pármanı menen sudlanıp, barlıq sıylıqlarınan ayırılǵan.

Bilimi

1947-jılda Qaraqalpaq Mámleketlik Universitetin tamamlaǵan.

Miynet iskerligi

1942—1947-jıllarda orta mektep oqıtıwshısı sıpatında jumıs islegen. 1947-jıldan mámleket hámeldarı retindegi iskerligi baslanǵan. 1949-jılda oblastlıq jaslar shólkemi birinshi xatkeri etip tayınlandı[11]. 1951—1952-jıllarda Qaraqalpaqstan ASSR ministrler keńesi baslıǵınıń orınbasarı, 1952—1953-jıllarda Nókis qala atqarıw keńesi baslıǵı, 1953—1956-jıllarda Qaraqalpaqstan kommunal xızmetler ministri, 1956—1958-jıllarda Qaraqalpaqstan transport ministri, 1958—1959-jıllarda Qaraqalpaqstan ASSR KP MK 1-xatkeri, 1959—1963-jıllarda Qaraqalpaqstan ASSR minisrler keńesi baslıǵı, 1963—1984-jıllarda Qaraqalpaqstan ASSR KP MK 1-xatkeri, 1984—1986-jıllarda SSSRnıń Kostansa (Ruminiya) daǵı konsulı[12][12] wazıypalarında iskerlik alıp barǵan. Ulıwma esapta 6 márte burınǵı Awqam Joqarı Keńesine deputat etip saylaǵan[11]. Paxta isi boyınsha sudlanǵan[13].

Sıylıqları

2017-jılda «El-jurt húrmeti ordeni», Sotsialistik Miynet Qaharmanı (1973), Lenin ordeni (1971-jıl 27-avgust; 1973-jıl 12-oktyabr; 1976-jıl 25-dekabr), Oktyabr revolyuciyası ordeni (1980-jıl 3-aprel), Miynet Qızıl Bayraq ordeni (1965-jıl 3-yanvar), «Dańq hám ataq belgisi» ordeni (17-dekabr 1949 -jıl; 11-yanvar 1957-jıl), «Miynette qaharmanlıǵı ushın» medalları (28-oktyabr 1949-jıl; 1959-jıl 25-dekabr)[14] menen sıylıqlanǵan.

1989-jıl 25-dekabrde SSSR Joqarı sudı tárepinen 15 jıl múddetke azatlıqtan sheklew jazası qollanıladı. 1990-jıl 15-iyunda SSSR Prezidenti Mixail Gorbachyov Kamalovtı Sotsialistik Miynet Qaharmanı ataǵı hám mámleket sıylıqlarınan ayırıw haqqında qarar qabıllaydı.

Kitapları

Qallibek Kamalov «El xızmetinde» estelik kitabınıń avtorı bolıp tabıladı[15].

Shańaraǵı

1949-jıl Lyubov Semyonovna Kamalova (1927-2022) menen turmıs qurǵan. 4 perzenti bar[17].

Qızı Sharap Rashidovtıń balası — Ilhamǵa turmısqa shıqqan. Ulı— Murat Kamalov Joqarǵı Keńes baslıǵı bolǵan (2020-2022-jıllar)[18]. Ol Sharap Rashidovtıń jiyenine úylengen[19][20][21].

Derekler

  1. ↑ https://president.uz/oz/lists/view/8932.
  2. ↑ «Материалы 22 съезда КПСС. Стенографический отчет.». 2015-jıl 8-iyul sánesinde túp nusqadan arxivlendi. Qaraldı: 2010-jıl 17-iyun.
  3. ↑ «XXVI съезд Коммунистической партии Советского Союза 23.2 — 3.3.1981». 2009-jıl 22-avgust sánesinde túp nusqadan arxivlendi. Qaraldı: 2010-jıl 17-iyun.
  4. ↑ «Список депутатов Верховного Совета СССР 6-го созыва». 2013-jıl 19-iyul sánesinde túp nusqadan arxivlendi. Qaraldı: 2018-jıl 12-oktyabr.
  5. ↑ «Список депутатов Верховного Совета СССР 7-го созыва». 2012-jıl 5-dekabr sánesinde túp nusqadan arxivlendi. Qaraldı: 2018-jıl 12-oktyabr.
  6. ↑ «Список депутатов Верховного Совета СССР 8-го созыва». 2012-jıl 5-dekabr sánesinde túp nusqadan arxivlendi. Qaraldı: 2018-jıl 12-oktyabr.
  7. ↑ Депутаты Верховного Совета СССР 9 созыва. 
  8. ↑ «Список депутатов Верховного Совета СССР 10-го созыва». 2012-jıl 5-dekabr sánesinde túp nusqadan arxivlendi. Qaraldı: 2018-jıl 12-oktyabr.
  9. ↑ «Список депутатов Верховного Совета СССР 11-го созыва». 2011-jıl 26-sentyabr sánesinde túp nusqadan arxivlendi. Qaraldı: 2018-jıl 12-oktyabr.
  10. ↑ Vladimir Pletinskiy – Iz bilogo
  11. 1 2 «Қаллибек Камолов: Тақдиримиз ягона, дардимиз ўхшаш, ютуқларимиз умумий». www.yuz.uz. Qaraldı: 29-avgust 2022-jıl.
  12. 1 2 Materiali 22 sʼezda KPSS. Stenograficheskiy otchet., 2015-07-08da túp nusqadan arxivlendi, qaraldı: 2018-06-02
  13. ↑ Vladimir Pletinskiy — Iz bilogo
  14. ↑ Oʻzbekiston Respublikasi Prezidenti
  15. ↑ «Қаллибек Камолов: Тақдиримиз ягона, дардимиз ўхшаш, ютуқларимиз умумий». Qaraldı: 29-avgust 2022-jıl.
  16. ↑ https://yuz.uz/news/qallibek-kamolov-taqdirimiz-yagona-dardimiz-oxshash-yutuqlarimiz-umumiy
  17. ↑ Shavkat Mirziyoyev Murat Kamalovga hamdardlik bildirdi
  18. ↑ https://web.archive.org/web/20240404114243/https://m.kun.uz/news/2020/10/02/qoraqalpogiston-joqorgi-kengesiga-yangi-rais-saylandi
  19. ↑ Olenev M. – Genealogiya sovetskoy parteliti
  20. ↑ Kamalov Kallibek, biografiya
  21. ↑ Biografiya
«https://kaa.wikipedia.org/w/index.php?title=Qállibek_Kamalov&oldid=212179» saytınan alınǵan