Farhad Ermanov

Wikipedia, erkin enciklopediya
[[Fayl:|280px|súwret]]
Tuwılǵan sánesi 30-aprel 1958(1958-04-30) (65 jasta)

Ermanov Farhad Orazbaevich (1958-jıl 30-aprel, Ámiwdárya rayonı, Qaraqalpaqstan ASSR, Ózbekstan SSR, SSSR) — ózbek siyasatshısı, senator. 2022-jıldan Qaraqalpaqstan Respublikası Ministrler Keńesi baslıǵı, 2018-jıl 21-aprelden 2022-jıl 17-dekabrge shekem Xorezm wálayatı hákimi.

Ómiri[redaktorlaw | derekti jańalaw]

Farhad Ermanov 1958-jıl 30-aprelde Qaraqalpaqstan ASSRnıń Ámiwdárya rayonında tuwılǵan.

Maǵlıwmatı joqarı[1]. 1981-jılda Tashkent irrigatsiya hám awıl xojalıǵın mexanizaciyalaw injenerligi institutın injener-mexanik qánigeligi boyınsha, 1996-jılda Tashkent mámleketlik ekonomika universitetin ekonomist qánigeligi boyınsha tamamlaǵan[2].

1975—1976-jıllarda Ámiwdárya rayonı Mańǵıt qalalıq profilaktika hám dezinfekciya bólimi jumısshısı[3].

1981—1995-jıllarda avtomexanikalıq, bas injener, Ámiwdárya rayonı „Mańǵıt“ xojalıǵı direktorı, 1995—1998-jıllarda Ámiwdárya rayonı hákimi, 1998—2002-jıllarda Ámiwdárya wálayatı „Mańǵıt“ fermer xojalıǵı baslıǵı[4].

2002—2004-jıllarda Ámiwdárya rayonı hákiminiń awıl hám suw xojalıǵı máseleleri boyınsha birinshi orınbasarı — awıl hám suw xojalıǵı basqarması baslıǵı wáziypalarında islegen.

2004—2007-jıllarda Qaraqalpaqstan Respublikası awıl hám suw xojalıǵı ministri, 2007-jılda qısqa múddet Tórtkúl rayonı hákimi bolıp isledi[1].

2007—2010-jıllarda qaytadan Qaraqalpaqstan Respublikası awıl hám sw xojalıǵı ministri[4].

2010—2018-jıllarda Beruniy rayonı hákimi.

2018-jıl 21-aprelden 2022-jıl 17-dekabrge shekem Xorezm wálayatı hákimi[5].

2022-jıl 17-dekabrde Qaraqalpaqstan Respublikası Ministrler Keńesi baslıǵı etip tayınlandı.

Farhad Ermanov ShShShne aǵza mámleketler aymaqları basshılarınıń forumı sheńberinde turizmge baylanıslı birqatar jumıslardı ilgeri súrgen.

  • ShShShne aǵza mámleketler aymaqlarınıń sayaxatshılıq potencialın kórsetiw hám sayaxatshılıq baǵdarları boylap óz-ara maǵlıwmat hám baspasóz túrlerin shólkemlestiriw;
  • Shólkem aymaǵında ámeldegi turistlik potencialdı ilgeri súriw, turizm salasındaǵı qospa investiciya joybarların ámelge asırıw;
  • Xorezmde SHSHSH mámleketleri miymanxana tarmaǵı filialın ashıw sıyaqlılar solar qatarınan[6].

Sıylıqları[redaktorlaw | derekti jańalaw]

Farhad Ermanov "Bilimlendiriw qáwenderi" kókirek nıshanı menen sıylıqlanǵan[7]

Derekler[redaktorlaw | derekti jańalaw]

  1. 1,0 1,1 https://kun.uz/ru/99481999
  2. arxiv nusqası, 2021-11-11da túp nusqadan arxivlendi, qaraldı: 2021-11-14
  3. arxiv nusxasi, 2021-11-11da túp nusqadan arxivlendi, qaraldı: 2021-11-14
  4. 4,0 4,1 https://centrasia.org/person2.php?st=1013880735
  5. Naznachen i. o. xokima Xorezmskoy oblasti
  6. „Xorezm hákimi SHHT mamlakatlari oʻrtasida charter reyslarni tashkil etishni taklif qildi“ (3-avgust 2022-jıl). Qaraldı: 22-avgust 2022-jıl.
  7. „Farhad Ermanov ko‘krak nishoniga munosib ko‘rildi“ (5-oktyabr 2020-jıl). Qaraldı: 22-avgust 2022-jıl.

Siltemeler[redaktorlaw | derekti jańalaw]