Baxadir Yangibaev
| [[Fayl:|280px|súwret]] | |
| Tuwılǵan sánesi | 25-avgust 1960 (63 jasta) |
|---|---|
Baxadir Yangibaevich Yangibaev (1960-jıl Qaraqalpaqstan Respublikası Beruniy rayonında tuwılǵan) - Qaraqalpaqstan Respublikası Ministrler Keńesi baslıǵı (2006-2017).
Ómiri[redaktorlaw | derekti jańalaw]
Bilimlendiriwi[redaktorlaw | derekti jańalaw]
Maǵlıwmatı joqarı. Tashkent avtomobil jollar institutın, Tashkent mámleketlik ekonomika universitetin tamamlaǵan. Qánigeligi injener-qurıwshı, ekonomist.
Miynet iskerligi[redaktorlaw | derekti jańalaw]
2006-jıldan 2017-jılǵa shekem Qaraqalpaqstan Respublikası Ministrler keńesi baslıǵı[1]. Jumıs iskerligin Beruniy jol ońlaw hám qurılıs basqarması ustasınan baslaǵan. 1982—1993-jıllarda jaslar hám partiya komitetlerinde túrli lawazımlarda iskerlik kórsetken. 1993-jıldan 1995-jılǵa shekem akcionerlik-kommerciyalıq "Isbilermenbankı" Qaraqalpaqstan bóliminiń kadrlar boyınsha inspektorı, ekonomikalıq-analiz bólimi baslıǵı, 1995—1996-jıllarda Qaraqalpaqstan Respublikası Ministrler Keńesi Baslıǵınıń járdemshisi, 1996-jıldan 1999-jılǵa shekem Ózbekstan Respublikası Oraylıq Banki Qaraqalpaqstan boyınsha bas basqarması baslıǵınıń birinshi orınbasarı, 1999—2002-jıllarda Ózbekstan Respublikası akcionerlik-kommerciyalıq "Ǵállebankı"nıń Qaraqalpaqstan Respublikası aymaqlıq filialı basqarıwshısı, 2002-jıldan 2006-jılǵa shekem Qaraqalpaqstan Respublikası Finans ministri[1], 2006—2017-jıllarda Qaraqalpaqstan Respublikası Ministrler Keńesi Baslıǵı wáziypalarında iskerlik alıp barǵan. 2017-jıldan - Shomanay rayonı hákimi[2].
Sıylıqları[redaktorlaw | derekti jańalaw]
Baxadir Yangibaev Sadıq xizmetleri ushın medalı menen sıylıqlanǵan.
Derekler[redaktorlaw | derekti jańalaw]
- ↑ 1,0 1,1 Ministrler Keńesi baslıǵı, 2014-11-05da túp nusqadan arxivlendi, qaraldı: 2014-11-05
- ↑ Shomanay, 2019-11-10da túp nusqadan arxivlendi, qaraldı: 2019-11-10
| |||||||||||