Qaraqalpaqstan tеlеvideniesi
Qaraqalpaqstan tеlеvideniesi — regionlıq telekanal hám teleradiokompaniyasi, Ózbekstan quramındaǵı Suveren Qaraqalpaqstan Respublikası[1] aymaǵında efirge uzatıladı. Efir waqtı kúnine 18 saat bolıp, tiykarınan qaraqalpaq, ózbek, qazaq hám orıs tillerinde esittiriwler alıp barıladı. Qaraqalpaq tilindegi eń birinshi, eń iri hám bas telekanal. Teleradiokompaniya tiykarınan Nókiste jaylasqan.
Tariyxı
[redaktorlaw | derekti redaktorlaw]Qaraqalpaq televideniesiniń birinshi esittiriwleri 1964-jıl 5-noyabrden baslap qaraqalpaq hám orıs tillerinde kúnine bir neshe minut efirga uzatıla baslandı. 1965-jıldan bul televidenie háptesine tórt ret 2,5 saat dawamında efirge shıǵa basladı. Keyingi jıllarda efir waqtı hám kúnleri arttı. Ózbekstan ǵárezsizlikke eriskennen soń, Qaraqalpaqstan televideniyası Ózbekstan TRK (házirgi [2]) quramına kirdi. 2002-jılda Qaraqalpaqstan Respublikası teleradiokompaniyası dúzildi.
Jónelisi
[redaktorlaw | derekti redaktorlaw]Telekanal tematikası universal bolıp tabıladı. Telekanal social, siyasiy, ilimiy hám bilimlendiriwge baylanıslı programmalar hám esittiriwlerdi, jergilikli hám shet el filmlerin, seriallar hám multfilmlerdi (sonday-aq qaraqalpaq tilinde), jańalıqlardı hám basqada esittiriwlerdi efirge beredi.
Qosımsha qarań
[redaktorlaw | derekti redaktorlaw]- Qaraqalpaqstan xabar agentligi
- Qaraqalpaqstan telekanalı
- Jaslar TV — Qaraqalpaqstan Respublikasında jańa cifrlı televidenie.
- Nókis FM — Qaraqalpaqstan Respublikasında birinchi radio stanciyasi.
Derekler
[redaktorlaw | derekti redaktorlaw]- ↑ russha Конституция Республики Каракалпакстан
- ↑ Ózbekstan MTRK
Siltemeler
[redaktorlaw | derekti redaktorlaw]- «ózbekshe Qoraqalpogʻiston. Teleradiokompaniya haqida» (uz).
- «russha Ганиева Э. Р. Новые страницы истории телевидения Узбекистана // Молодой ученый. — 2017. — №21. — С. 57-59» (ru).