Shıǵıs Afrika

Shıg'ıs Afrika

Shıǵıs Afrika — Mısırdan baslanatuǵın Nil dáryasınıń shıǵısındaǵı Afrika mámleketlerin óz ishine alatuǵın geografiyalıq aymaq.

Shıǵıs Afrika ushın, tiykarınan, subekvatorial hám tropikalıq klimat tán. Ol Hind okeanına shıǵıw imkaniyatına iye bolǵanlıǵı sebepli,áyyemnen Hindistan hám túrli arab mámleketleri menen sawda baylanısların ornatıp kelgen. Basqa subregionlardan parıqlı túrde bul poyas mineral resurslarǵa salıstırmalı jarlı ekenligi menen ajıralıp turadı. Sol sebepten, ekonomikanı rawajlandırıwda bar bolǵan basqa tábiyiy resurslardan nátiyjeli paydalanıwǵa háreket etedi.

Tiykarınan, tropikalıq awıl xojalıǵı rawajlanǵan bolıp, dúnya bazarına kofe, shay, kokos palması ónimleri, túrli dám beriwshi kók shópler alıp shıǵadı. Poyastıń ayırım mámleketleri kánshilik sanaatı ónimlerin (mıs) de eksport qıladı. Qayta islewshi sanaat tarmaqları rawajlanıp barmaqta. Shólkemlestirilgen tábiyiy baǵlar hám qorıqxanalar turizmniń rawajlanıwına járdem beredi.