Batırjan Smakov
| Batırjan Smakov | |
|---|---|
| qazaqsha Батыржан Амангелдіұлы Смаков | |
 | |
| Ulıwma maǵlıwmatlar | |
| Tuwılǵan sáne | 1986-jıl 13-sentyabr |
| Puqaralıǵı |  Qazaqstan |
| Iskerlik jılları | 2011 — házirge shekem |
| Topar | Studentlіk xor kapellası |
Batırjan Amangeldi ulı Smakov (qazaqsha Батыржан Амангелдіұлы Смаков; 1986-jıl 13-sentyabr, Mayqudıq rayonı, Qaraǵandı, Qazaq SSR) — Qazaqstandaǵı birden-bir kontratrenor. Qazaq milliy kórkem-óner universiteti «Xor dirijyorlıǵı» kafedrasınıń baslıǵı [1][2][3].
Ómirbayanı
[redaktorlaw | derekti redaktorlaw]«Qazaqkoncert» penen «Astana Opera» teatrınıń arnawlı mirát etilgen jekke atqarıwshısı, Qazaq milliy kórkem-óner universiteti aralas xorınıń kórkemlew jetekshisi hám dirijyorı. Sonıń menen birge, Italiyadaǵı «Coro Lirico Perla Verde» xorında hám Nyu-Yorktaǵı «Global Music Partnership»te dirijyor bolıp tabıladı[4].
Ol «Jas Darın» (Qazaqstan), «Tanysu» (San-Marino), «Jumeirah Sounds» (Birlesken Arab Ámirlikleri), «Young Talents World Festival» (Nyu-York) sıyaqlı xalıqaralıq tańlawlardıń tóreshiler quramınıń húrmetli aǵzası.
2011—2017-jıllar aralıǵında Italiyanıń Ozimo qalasındaǵı xalıqaralıq opera akademiyasında xor dirijyorlıǵı boyınsha, sońınan Pezaro qalasındaǵı Djoakkino Rossini atındaǵı konservatoriyada oqıǵan hám soń magistraturanı qızıl diplom menen tamamlaǵan[5]. 2016-jılda Siriyalı balalarǵa járdem beriw ushın bir qatar qayırqomlıq koncertlerinen keyin YuNESKOnıń paraxatshılıq artisti ataǵına iye boldı.
2016—2017-jıllarda Astana Opera teatrında eki márte «Orfeydiń qaytıwı» atlı jeke koncertin usındı[6].
2018-jıl «Qazaqstannıń 100 jańa ismi» joybarınıń jeńimpazı boldı.
2020-jıl 26-fevralda Nyu-Yorktaǵı Karnegi-xoll koncert zalında saxnaǵa shıqtı[7].
2020-jıl may ayınan Shabıt studentler kinostudiyası negizindegi «Shabıt muzıkalıq qonaq jayı» onlayn koncertleriniń avtorı[8].
2021-jıl yanvar ayınan baslap «Qazaqstan kompozitorlar awqamı»nıń aǵzası.
2022-jılda «Qazaqstan muzıkashılar awqamı»na aǵza boldı.
2022-jıl 21-iyulda Italiyanıń Genuya qalasındaǵı Karlo Felice teatrınıń saxnasında birinshi koncerti bolıp ótti. Ol dúnyanıń kóplegen mámleketlerinde, atap aytqanda Italiya, Franciya, AQSh, Mısır, Iordaniya, Rossiya, Polsha, Birlesken Arab Ámirliklerinde jeke atqarıwındaǵı koncertler berdi. Qazaq muzıkasın shet ellerde en jaydırıwda belsendi qatnasadı. Onıń portfelinde tórt diskografiya albomı bar.
2024-jılda Italiyada bolıp ótken XVI Sanremo Junior xalıqaralıq balalar qosıq tańlawınıń kórkem basshısı[9][10].
Ilimiy jumısları
[redaktorlaw | derekti redaktorlaw]Sıylıqları
[redaktorlaw | derekti redaktorlaw]- Axmet Baytursınov atındaǵı altın medal
- Sankt-Peterburg Gran Prisi laureatı
- Turindegi «Eski muzıka tańlawı» laureatı
- «YUNESKOnıń paraxatshılıq artisti»
- «Qazaqstannıń júz jańa kelbeti» milliy joybarı jeńimpazı.
- «Italiya juldızı ordenınıń» kavalerı
Derekler
[redaktorlaw | derekti redaktorlaw]- ↑ https://forbes.kz/news/2017/06/10/newsid_146842
- ↑ https://web.archive.org/web/20220111020755/https://elbasy.kz/ru/node/414
- ↑ https://web.archive.org/web/20210509110133/https://kaznui.kz/personnel/smakov-batyrzhan-amangeldinovich/
- ↑ https://web.archive.org/web/20250128033731/https://www.globalmusicp.com/batyrzhan-smakov.html
- ↑ https://baq.kz/news/othernews/dara-dauys-batyrzhan-smakov-turaly-ne-bilemiz/
- ↑ https://web.archive.org/web/20230904122705/https://www.astana-akshamy.kz/orfejding-oraluy/
- ↑ https://www.carnegiehall.org/calendar/2020/02/26/young-talents-world-festival-of-performing-arts-2020-0730pm
- ↑ https://web.archive.org/web/20210624204725/https://kaznui.kz/tag/muzykalnaia-gostinaia-shabyt/
- ↑ «Лучший голос Казахстана выступит на знаменитом детском конкурсе в Санремо» (ru). Inform.kz (18-fevral 2025-jıl). Qaraldı: 8-aprel 2025-jıl.
- ↑ Дана Аменова. «Юная астанчанка представит Казахстан на песенном конкурсе в Италии» (ru). Kazpravda.kz (11-mart 2025-jıl). Qaraldı: 8-aprel 2025-jıl.
- ↑ https://kazneb.kz/kk/catalogue/view/1648421
- ↑ https://kazneb.kz/kk/catalogue/view/1682197
- ↑ https://kazneb.kz/kk/catalogue/view/1682208
- ↑ https://kazneb.kz/kk/catalogue/view/1674164
- ↑ https://kazneb.kz/kk/catalogue/view/1708875