Pedagogika

Pedagogika (gr. 'παῖς', paіda — bala, gr. 'ἄγω', gogos — jeteklewshi) termini áyyemgi termin bolıp, «bala jeteklewshi» degen mánisti ańlatadı. Grekshe «paydogogos» sózinen kelip shıqqan. Tariyxıy dereklerdiń kórsetiwinshe, áyyemgi Greciyada óz xojayınınıń balaların aylandırǵan, áskeriy sheberlikti úyretgen tárbiyashını, yaǵnıy qullardı «pedagog» (bala jetekleytuǵın ) dep ataǵan. Keyinirek bolsa, arnawlı oqıtılǵan hám pedagoglıqtı ózine kásip etip alǵan kisilerdi pedagog dep atay baslaǵan.

Pedagogika — tárbiya, tálim hámde sıpatlama beriwdiń teoriyalıq hám ámeliy táreplerin úyreniwshi pánler kompleksi. Ped. institutları hám ayırım basqa oqıw orınlarında qánigelik programması tiykarında ùyreniletuǵın oqıw predmeti de pedagogika dep ataladı. Pedagogika pán sıpatında bala tárbiyasınıń teoriyalıq tiykarların úyrenedi . Zamanagóy pedagog balalar menen birgelikte úlkenlerdińde oqıw -tárbiyalıq, mádeniy hámde ruwxıy -bilimlendiriw tárbiyası menen shuǵıllanıwdi názerde tutadı. Ózbekstan Respublikasında Pedagoglarǵa bárkámal shaxs ruwxıylıǵın qáliplestiriwdiń tiykarǵı quralı retinde qaraladı.Pedagog tárbiya procesiniń nizamlıqları, quramı jáne onı shólkemlestiriw mexanizmlerin izertleydi, tárbiyalıq hám oqıw jumıslarınıń mazmunı, principlerı, olardı shólkemlestiriw forma, usılların belgilep beredi.Shaxstı tárbiyalaw, oqıtıw hám qáliplestiriw Pedagogtıń tiykarǵı funksiyası esaplanadı. Shaxstı tárbiyalaw Pedagogikadaǵı tiykarǵı túsinik esaplanıp, shańaraq hám jámiyettiń bárkámal shaxstı qáliplestiriwge baǵdarlanǵan birgeliktegi iskerligin ańlatadı. Tárbiya járdeminde insan shaxsın ruwxıy jaqtan jetilistiriw názerde tutıladı. Insanlar arasında jasaw, turmıs keshiriw hám iskerlik kórsetiw ushın zárúr bolǵan bilim, kónlikpe hám ilimiy tájriybeler jıyındısın ózlestiriwge qaratılǵan iskerlik oqıtıw túsinigin bildiredi. Oqıtıw nátiyjesinde shaxs zárúrli bilimler menen támiyinlenip, keleshekte túrli dárejedegi arnawlı maǵlıwmattı alıw múmkinshiligine iye boladı. Tárbiyalaw hám oqıtıw nátiyjesinde adamda arnawlı bir shaxs sapaları qáliplestiriledi. Shaxstı tárbiyalaw hám oqıtıw arqalı ózinde aldın bolmaǵan ruwxıy -intellektuallıq sıpatlarǵa iye boladı. Bul shaxstıń ómiri dawamında bárha dawam etedi jáne onıń rawajlanıwına faktor boladı.Insan jáne onı qáliplestiriwge tiyisli pán retinde Pedagogika filosofiya, etika,estetika, mádeniyattanıw, psixologiya, ekonomika, demografiya, tariyx, àdebiyat, medicina, mat. hám basqa pánler menen tıǵız baylanıslı. Pedagogika páni hám ámeliyatı rawajlanıwında bul pánlerdiń teoriyalıq tiykarları, izertlew metodları, ilimiy juwmaqlardı anıqlaw, analiz qılıw hám de ulıwmalastırıw usıllarınan paydalanadı.

Sıltemeler:

1.http://www.ziyonet.uz/ru/library/fs/look/ds/desc/fv/uzb/libid/70000

Kategoriya:Sociallıq ilimler