Amanbay Orınbaev
| Amanbay Orınbaev | |
|---|---|
Amanbay Tleubaevich Orınbaev | |
 | |
  | |
|
Wákillik dáwiri 26-avgust 2022-jıl — házirge shekem | |
| Prezident | Shavkat Mirziyoyev |
| Aldınǵı isker | Murat Kamalov |
  | |
|
Wákillik dáwiri 13-sentyabr 2022-jıl — házirge shekem | |
| Húkimet baslıǵı | Abdulla Aripov |
| Prezident | Shavkat Mirziyoyev |
| Senat baslıǵı | Tanzila Norboyeva |
| Jeke maǵlıwmatları | |
| Tuwılǵan sáne | 17-sentyabr 1979-jılı (46 jasta) |
| Tuwılǵan jeri | Kegeyli rayonı,
 QQASSR,  ÓzSSR,  SSRA |
| Puqaralıǵı |  Ózbekstan |
| Milleti | qaraqalpaq |
| Siyasiy partiyası | Ózbekstan ekologiyalıq partiyası |
| Tálim ornı |
|
| Kásibi | huqıqtanıwshı, siyasatshı |
| Sıylıqları |  |
| Websaytı | joqargikenes.uz |
Orınbaev Amanbay Tilewbay ulı (Орынбаев Аманбай Тилеўбай улы; 1979-jıl 17-sentyabr, Kegeyli rayonı, QASSR, ÓzSSR, SSRA) ― Qaraqalpaqstan Respublikası Joqarǵı Keńesiniń Baslıǵı[1]. 17-sentyabr 1979-jılı Kegeyli rayonında tuwılǵan. Milleti — qaraqalpaq. Joqarı maǵlıwmatlı. Qánigeligi huqıqtanıwshı, politolog[2].
Bilimi hám sıylıqları
[redaktorlaw | derekti redaktorlaw]Amanbay Orınbaev 2002-jılı Ózbekstan Respublikası Ishki isler ministrligi Akademiyasın tamamlaǵan, 2004-jılı bolsa usı akademiyanıń magistraturasın pitkergen. Sonday-aq, ol 2011-jılı Ózbekstan Respublikası Strategiyalıq analiz hám perspektivanı belgilew Joqarı mektebinde bilim alǵan.
Onıń mámleketlik xızmetleri joqarı bahalanıp, 2013-jılı «Doslıq» ordeni menen sıylıqlandı. 2015-jılı oǵan «Qaraqalpaqstan Respublikasına miyneti sińgen yurist» húrmetli ataǵı berildi.
Miynet jolı
[redaktorlaw | derekti redaktorlaw]Amanbay Orınbaev óziniń miynet jolın 1996–1998-jılları Kegeyli rayonı qurılıs montaj basqarmasında jumısshı bolıp islewden baslaǵan. 1998-jıldan 2002-jılǵa shekem Ishki isler ministrligi akademiyasında tıńlawshı boldı.
Ishki isler organlarındaǵı xızmeti
[redaktorlaw | derekti redaktorlaw]2002-jıldan baslap ol ishki isler sistemasında túrli juwapkerli lawazımlarda isledi. Dáslep Kegeyli rayonlıq Ishki isler bóliminde operativ wákil, keyinirek Qaraqalpaqstan Respublikası Ishki isler ministrliginiń jınayat izlew hám terrorizmge qarsı gúresiw basqarmasında aǵa operativ wákil hám jeke quram boyınsha arnawlı inspekciyanıń operativ wákili bolıp xızmet etti.
Ilimiy dárejesin asırǵannan soń, 2011–2012-jılları Ózbekstan Respublikası Ishki isler ministrliginde úlken huqıq másláhátshisi bolıp isledi. Onnan keyingi jıllarda ol basshılıq lawazımlarına kóterildi:
- 2012–2016-jılları — Ámiwdárya rayonlıq Ishki isler bólimi baslıǵınıń orınbasarı, sońra bólim baslıǵı;
- 2016–2017-jılları — Nókis qalalıq Ishki isler bólimi baslıǵı;
- 2017–2019-jılları — Qaraqalpaqstan Respublikası Ishki isler ministrliginiń Jınayat izlew basqarması baslıǵı;
- 2019–2020-jılları — Qaraqalpaqstan Respublikası Ishki isler ministriniń orınbasarı boldı.
2020–2022-jılları Ózbekstan Respublikası Ishki isler ministrliginde jámiyetlik tártipti saqlaw hám Probaciya xızmeti tarawlarında joqarı basshılıq lawazımlarında miynet etti.
Mámleketlik basqarıwdaǵı iskerligi
[redaktorlaw | derekti redaktorlaw]2022-jıl Amanbay Orınbaevtıń siyasiy iskerliginde zárúr burılıs jılı boldı. Ol dáslep Qaraqalpaqstan Respublikası Ishki isler ministri etip tayınlandı[3]. Az waqıttan soń Qaraqalpaqstan Respublikası Ministrler Keńesi Baslıǵınıń Ekologiya hám Aralboyı aymaǵın rawajlandırıw máseleleri boyınsha birinshi orınbasarı bolıp isledi.
2022-jıldıń 26-avgustınan baslap Amanbay Orınbaev Qaraqalpaqstan Respublikası Joqarǵı Keńesi Baslıǵı lawazımında iskerlik kórsetip kelmekte.
Derekler
[redaktorlaw | derekti redaktorlaw]
| ||||||||||||||