Angela Merkel

Angela Merkel
Angela Merkel
Germaniya kancleri
Prezident	Horst Köhler; Christian Wulff; Joachim Gauck; Frank-Walter Steinmeier
Jeke maǵlıwmatları
Tuwılǵan sáne	17-iyul 1954-jılı (71 jasta)
Tuwılǵan jeri	Gamburg
Sıylıqları	Avstriya aldındaǵı xızmetleri ushın ordeni «Ullı Vitautas úlken xoch» ordeni kavaleri

Angela Merkel (Angela Dorothea Kasner) (nemisshe: [ˈaŋɡela doʁoˈteːa ˈmɛʁkl̩] ( tıńlań); 1954.17.7, Gamburg) — Germaniya mámleketi kansleri. Fizika pánleri doktorı (1986). Leypzig universitetin tamamlaǵan, bunnan tısqarı onlaǵan universitet dárejesine iye. Tiykarınan, 2019-jıl dúnyanıń eń abıraylı universitetlerinen bolǵan Garvard Universiteti doktorlıq dárejesine iye boldı hám universitette sóylep shıqtı. 1978-jıldan Germaniya Demokratiyalıq Respublikası Pánler Akademiyasınıń fizikalıq ximiya oraylıq institutı ilimiy jumısshısı, 1990-jıl Germaniya Demokratiyalıq Respublikası demokratiyalıq húkimetiniń baspasóz xatkeri orınbasarı, birlesken Germaniya federal húkimetiniń baspasóz hám informaciya mekemesi referenti, 1990-jıldan Xristian-demokratiyalıq awqam hám GFR bundestagı aǵzası, 1991-jıldan Germaniya hayal-qızlar hám jaslar jumısları boyınsha, 1994-jıldan qorshaǵan ortalıqtı qorǵaw hám yadro reaktorları qáwipsizligi máseleleri boyınsha federal ministr, 1998-jıldan Xristian-demokratiyalıq awqamı bas xatkeri, 2000-jıl aprelden baslıǵı, 2002-jıl sentyabrden GFR bundestagında Xristian-demokratiyalıq awqam/Xristian social awqamınıń birlesken frakciyası baslıǵı. 2015-jılda bolsa «Time» jurnalı tárepinen «Jıl Adamı»^[1] dep tán alınǵan hám sonıń menen birge kóp márte «Forbes» tárepinen dúnyanıń «Eń abıraylı hayalları dizimi»inde^[2] joqarı orınlardı iyelegen. 2005-jıl 22-noyabrden GFR federal kansleri^[3]. 2021-jılda Angela Merkel napaqaǵa shıqtı hám onıń pensiya pulı 15 000 evro bolıwı aytıldı.

Derekler

↑ «"Jıl Adamı" 2015».
↑ «The most powerful women».
↑ «Biography». Bundeskanzlerin.de. German Federal Press and Information Office. 2015-jıl 21-dekabr sánesinde túp nusqadan arxivlendi. Qaraldı: 14-yanvar 2015-jıl. 2015-12-21 sánesinde Wayback Machine saytında arxivlendi. (ing.)

Bul maqalada Ózbekstan milliy enciklopediyası (2000-2005) maǵlıwmatlarınan paydalanılǵan.

[1] «"Jıl Adamı" 2015».

[2] «The most powerful women».

[bkin-3] «Biography». Bundeskanzlerin.de. German Federal Press and Information Office. 2015-jıl 21-dekabr sánesinde túp nusqadan arxivlendi. Qaraldı: 14-yanvar 2015-jıl. 2015-12-21 sánesinde Wayback Machine saytında arxivlendi. (ing.)

[1]

[2]

[3]