Zaynap Dayıbekova
| Dayıbekova Zaynap Kazbekova | |
|---|---|
 | |
| Jeke maǵlıwmatları | |
| Jınısı | hayal |
| Tuwılǵan sánesi | 19.11.2002 Nókis, Qaraqalpaqstan |
| Sport | |
| Sport túri | qılıshpazlıq |
Zaynap Kazbekovna Dayıbekova (2002-jıl 19-noyabr, Qaraqalpaqstan) — qaraqalpaqstanlı qılıshpaz, Ózbekstan saylandı komandası aǵzası. 2020-jılǵı jazǵı Olimpiada oyınları qatnasıwshısı.
Erisken jetiskenlikleri
[redaktorlaw | derekti redaktorlaw]2018-jılda BAÁde óspirimler ortasında ótkerilgen qılıshbazlıq boyınsha Aziya chempionatında bronza medalın qolǵa kirgizdi[1].
2019-jılı Tashkent qalasında (Ózbekstan) ótkerilgen qılıshbazlıq boyınsha óspirim qızlar ortasındaǵı Jáhán kubogında ol finalda túrkiyalı Nisonur Erbildi 15:12 esabında jeńiliske ushıratıp, altın medaldı qolǵa kirgizdi[2].
2021-jılda qılıshbazlıq boyınsha Aziya-Okeaniya licenzion turnirinde Zaynap Dayıbekova Tokioda (Yaponiya) bolıp ótetuǵın Jazǵı Olimpiada oyınlarına licenziya qolǵa kirgiziwge eristi[3]. Finalda licenziya ushın keshken bellesiwde ol Aigerim Sarıbaydı (Qazaqstan) 15:6 esabında jeńiliske ushırattı[4]. 2021-jıl 30-iyun kúni Ózbekstan Prezidenti Shavkat Mirziyoyev Jaslar kúni bayramı munasábeti menen Zaynaptı Shuhrat medalı menen sıylıqladı[5]. Sol jılı Kairde (Mısır) qılıshbazlıq boyınsha óspirimler ortasındaǵı jáhán chempionatında ol jetinshi orındı iyeledi[6].
XXXII jazǵı Olimpiada oyınlarında Zaynap óz shıǵıwların yaponiyalı Tika Aoki ústinen 15:9 esabında jeńisi menen basladı. Ol ekinshi basqıshta Aziya gúmis medalı iyesi, qıtaylı Shao Yaqidı 15:10 esabında jeńiliske ushırattı. 1/8 finalda ol taǵı korealı Yun Ji Sudı 15:12 esabında jeńiliske ushırattı. Sherek finalda ol jáhán hám Evropa chempionatlari jeńimpazı vengriyalı Anna Marton menen ushrastı, biraq 11:15 esabında jeńiliske ushıradı[7][8].
2021-jılda Ózbekstan Prezidenti Shavkat Mirziyoyev Zaynaptı Olimpiada háreketin rawajlandırıwǵa qosqan úlken úlesi ushın «Mártlik» medalı menen sıylıqladı[9].
Derekler
[redaktorlaw | derekti redaktorlaw]- ↑ https://upl.uz/president/5550-news.html
- ↑ https://web.archive.org/web/20210731054413/http://sport.ziyonet.uz/ru/news/view?id=2320
- ↑ https://web.archive.org/web/20210731065808/https://xs.uz/ru/post/zajnab-dajibekova-ya-vypolnila-svoe-obeschanie-pered-prezidentom
- ↑ https://olamsport.com/ru/news/zaynab-dayibekova-zavoevala-licenziyu-na-tokio-2020-foto
- ↑ https://uzreport.news/sports/uzbekskie-sportsmeni-poluchili-gosnagradi-ot-prezidenta-v-chest-dnya-molodyoji
- ↑ https://fie.org/competitions/2021/227
- ↑ https://web.archive.org/web/20210731065807/https://nuz.uz/sport/1204127-sablistka-zajnab-dajibekova-doshla-do-chetvertfinala-no-ustupila-sopernicze.html
- ↑ https://news.sportbox.ru/Vidy_sporta/fehtovanie/Zajnab_Dajibekova__Fehtovanije___19_11_2002_
- ↑ https://uza.uz/ru/posts/o-nagrazhdenii-gruppy-sportsmenov-i-trenerov-dobivshixsya-vysokix-rezultatov-na-xxxii-letnix-olimpiyskix-igrax-v-gorode-tokio_292563
 | Shaxsiyat tuwrali bul maqala shala. Siz onı bayıtıp, joybarǵa járdem beriwińiz múmkin. |